بھارتی جنرل بپن راوت کے ہیلی کاپٹر کو حادثے سے قبل کی ویڈیو سامنے آ گئی

bipan-ind.jpg


بھارتی چیف آف ڈیفنس جنرل بپن راوت ریاست تامل ناڈو کے جنگل میں ہیلی کاپٹر حادثے میں زندگی کی بازی ہار گئے، فوجی ہیلی کاپٹر تباہ ہونے سے کچھ دیر قبل کی فوٹیج سامنے آگئی ہے۔

بھارتی میڈیا کی جانب سے جاری ویڈیو میں دیکھا جاسکتا ہے ایک ہیلی کاپٹر فضا میں موجود ہے اور اچانک غائب ہوجاتا ہے جب کہ ہیلی کاپٹر کو دیکھ کر یہ اندازہ لگایا جاسکتا ہےکہ دورانِ پرواز اس کا توازن کچھ برقرار نہیں ہے،بھارتی ویب سائٹ نے یہ دعویٰ کیا ہے کہ یہ فوٹیج 8 دسمبر کی ہے اور یہ ہیلی کاپٹر بھارتی فوج کے چیف آف ڈیفنس اسٹاف جنرل بپن راوت کی ہے۔

https://twitter.com/x/status/1468799533337382914
بھارت کے چیف آف ڈیفنس اسٹاف جنرل بپن راوت ریاست تامل ناڈو میں گزشتہ روز ہیلی کاپٹر تباہ ہونے سے ہلاک ہوگئے تھے، ہیلی کاپٹر گرنے سے ان کی اہلیہ اور اعلٰی فوجی افسران سمیت تیرہ افراد ہلاک ہوئے،بھارتی ایئرفورس نے واقعے کی تحقیقات شروع کردیں،ہیلی کاپٹر تباہی کے پیچھے تخریب کاری کا خدشہ بھی ظاہر کیا جارہاہے، جبکہ باغی گروپ ملیشیا کے رکن کو بھی گزشتہ روز حراست میں لیا گیا تھا۔