جنسی ہراسانی الزامات پر بھائی کی مدد، سی این این اینکر نوکری سے فارغ

cnn-fired11-.jpg


امریکی نیوز چینل سی این این نے سابق گورنر نیویارک اینڈریو کیومو پر جنسی ہراسانی کے کیس کی تحقیقات کے بعد اپنے چینل کے پرائم ٹائم اینکر کرس کیومو کو شو سے ہٹا کر آف ایئر کر دیا۔

سی این این کے ترجمان کا کہنا ہے کہ قانونی دستاویز میں انکشاف ہوا ہے کہ اینکر پرسن کرس کیومو نیویارک کے سابق گورنر اینڈریو کیومو کے بھائی ہیں اور انہوں نے اپنے بھائی پر لگے جنسی ہراسانی کے الزامات سے نکلنے میں ان کی مدد کی ہے۔

سی این این کا کہنا ہے کہ کرس کیومو کے خلاف اپنے بھائی کا دفاع کرنے پر تحقیقات کی جا رہی ہیں۔ نیو یارک اٹارنی جنرل کے دفتر سے دستاویزات جاری ہوئی ہیں جو کرس کیومو کی اپنے بھائی کا دفاع کرنے سے متعلق ثبوت کے طور پر کافی ہیں۔ وہ دستاویز جو ریلیز ہونے سے پہلے ہمارے سامنے نہیں آئیں انہوں نے نئے سوالات کو جنم دیا ہے۔


سی این این کے ترجمان کا کہنا ہے کہ چینل انتظامیہ سمجھتی ہے کہ اینکر کرس کیومو نے اپنے بھائی اینڈریو کیومو کی مدد کر کے اپنے خاندان کو نوکری پر ترجیح دی ہے۔ دستاویزات سے معلوم ہوتا ہے کہ اینکر پرسن نے اپنے بھائی کے دفاع کی کوششوں میں بڑا کردار ادا کیا جس کا ہمیں بالکل بھی علم نہیں تھا۔

کرس کیومو کو ہٹائے جانے کے بعد گزشتہ روز ان کا پروگرام عارضی طور پر اینڈرسن کوپر نے کیا، تاہم چینل انتظامیہ نے یہ نہیں بتایا کہ یہ شو آنے والے دنوں میں کون کرے گا۔

یاد رہے کہ نیویارک کے سابق گورنر اینڈریو کیومو سابق ملازمین سمیت دیگر خواتین کو ہراساں کرنے کے الزامات کا کئی مہینوں سے مقابلہ کر رہے تھے۔ جس پر انہوں نے رواں سال اگست میں اپنے عہدے سے استعفیٰ بھی دے دیا تھا۔ تاہم اکتوبر کے مہینے میں ان پر ایک بار پھر سے الزام لگا تھا کہ انہوں نے اپنی ایک خاتون اہلکار کو زبرستی چھوا تھا۔
 

Masud Rajaa

Siasat member
Sexual harassment exists everywhere

check pakistani universities

professors don't give degrees without getting favours
very common.