تجزیہ کار ظفر ہلالی کا کہنا ہے کہ اگر یہ لوگ دعویٰ کرتے ہیں کہ عمران خان نے اس ملک کو تباہ کر دیا ہے تو پھر انہیں الیکشن کرا دینا چاہیے تاکہ لوگ آپ کو ووٹ دیں اور عوام کی طاقت آپ کے ساتھ ہو۔
نجی ٹی وی کے پروگرام ویو پوائنٹ میں سوال اٹھایا گیا کہ کیا حکومت مشکل فیصلے کر کے حالات پر قابو پاتے ہوئے معیشت کو درست سمت میں کامزن کر لے گی؟ جس پر سینئر تجزیہ کار ظفر ہلالی نے کہا کہ معیشت ایسی چیز نہیں جس سے متعلق آپ کہیں کہ کچھ دنوں مہینوں میں ٹھیک ہو جائے گی اس کیلئے وقت لگے گا۔
ظفرہلالی نے مزید کہا کہ اگر یہ لوگ دعویٰ کرتے ہیں کہ عمران خان نے اس ملک کو تباہ کر دیا ہے تو پھر انہیں الیکشن کرا دینا چاہیے تاکہ لوگ آپ کو ووٹ دیں اور عوام کی طاقت آپ کے ساتھ ہو۔ ان کا کہنا تھا کہ اگر کوئی یہ دعویٰ کرتا ہے کہ عمران خان تباہ کر گیا اور میں ٹھیک کر دوں گا تو وہ غلط کہتا ہے۔
ان کا کہنا تھا کہ دونوں جانب سے جو دعوے کیے جا رہے ہیں وہ بالکل غلط ہے ہیں اور ان کی کوئی تُک نہیں بنتی۔ ظفر ہلالی نے انکشاف کیا کہ عالمی اداروں کی رپورٹ کے مطابق پاکستان میں جو امیر طبقہ ہے اسے غریبوں سے زیادہ مالی فوائد دیئے جا رہے ہیں جو کہ سنگین جرم ہے۔
ظفر ہلالی نے اس پر مزید کہا ک غریبوں کو تو دو ہزار دیئے جا رہے ہیں مگر جو پہلے سے ہی امیر ہیں ان کو بڑے مالی فوائد دیئے جا رہے ہیں جو کہ غلط ہے۔ اقوام متحدہ نے اس بات کی تصدیق کی ہے کہ پاکستان میں امیروں کو غریبوں کی نسبت زیادہ سبسڈی دی جا رہی ہے۔ انہوں نے کہا کہ اس سے برا اور کچھ نہیں ہو سکتا۔
