کورونا وباء سے بچاؤ کی ویکسینیشن کے سرٹیفکیٹ پر مودی کی تصویر کے خلاف بھارتی شہری نے عدالت سے رجوع کر لیا، شہری نے نیا سرٹیفکیٹ جاری کرنے کی بھی درخواست کر دی۔
بی بی سی نیوز کے مطابق بھارتی شہری پیٹر ایم نے کورونا ویکسینیشن سرٹیفکیٹ پر بھارتی وزیراعظم نریندر مودی کی تصویر کے خلاف کیرالہ کی عدالت میں درخواست دائر کردی۔62 سالہ بھارتی شہری نے درخواست میں مؤقف اختیار کیا کہ حکومت کی جانب سے جاری شدہ ویکسینیشن سرٹیفکیٹ پر مودی کی تصویر شہریوں کے نجی معاملات میں مداخلت ہے جو ایک غیر آئینی عمل ہے۔
بھارتی شہری، جو کہ بھارتی شہری اپوزیشن جماعت کانگریس کا رکن ہے، نے درخواست میں وزیراعظم نریندر مودی سے درخواست کی ہے کہ وہ ویکسینیشن سرٹیفکیٹ پر اپنی تصویر کی پرنٹنگ کا سلسلہ فوری بند کریں۔
بھارتی شہری کا کہنا تھا کہ نریندر مودی کوئی پہلے وزیراعظم نہیں اور نہ ہی کورونا کے خلاف ویکسینیشن بھارت کی پہلی ویکسینیشن مہم ہے کس کو ایک ون مین شو کی طرح دکھایا جارہا ہے جو وزیراعظم کی جانب سے پراپیگنڈا کے لئے استعمال کیا جارہا ہے۔
بھارتی شہری نے پر مودی کی تصویر کے بغیر نیا ویکسینیشن سرٹیفکیٹ جاری کرنے کی درخواست کردی۔