جنوبی افریقہ کے خلاف میچ میں باؤلنگ کرتی بھارتی ٹیم ایک موقع پر آپے سے باہر ہوگئی اور تمام حدیں پار گئی جس کے بعد سوشل میڈیا صارفین نے تبصروں میں سعید اجمل کو ٹاپ ٹرینڈ بنادیا۔
تفصیلات کے مطابق گزشتہ روز کیپ ٹاؤن میں جنوبی افریقی کپتان نے اپنے آؤٹ ہونے پر ریویو لیا جس میں ان کے آؤٹ کے فیصلے کو غلط قرار دیا گیا ، بس یہ ہونا تھا کہ باؤلنگ کرتی بھارتی ٹیم آپے سے باہر ہوگئی اور وکٹس میں لگے مائیکس پر جملے کسنا شروع کردیئے۔
بھارتی باؤلر روی چندر ایشون نے مائیک کے قریب جاکر کہا کہ" جیتنے کیلئے کوئی اور حربے اپنائیں"، کے کے راہول بولے"یہ پورا ملک ہم 11 کھلاڑیوں کے خلاف کھیل رہا ہے"۔
بھارتی کپتان ویرات کوہلی بھی کسی سے پیچھے نہ رہے اور انہوں نے مائیک میں کہا کہ " آپ کو صرف مخالف کھلاڑیوں کے بجائے تمام کھلاڑیوں پر نظر رکھنا ہوگی"۔
بھارتی ٹیم کی ان حرکتوں کے بعد سوشل میڈیا پر ایک نیا موضوع چھڑ گیا، تاہم ان تبصروں میں کچھ صارفین کو سابق پاکستانی اسپنر سعید اجمل کی یاد آگئی جنہوں نے 2011 کےو رلڈ کپ میں سچن ٹنڈولکر کو آؤٹ کیا تھا مگر اسی ریویوسسٹم کی بدولت ان کی وکٹ بچ گئی تھی۔
سوشل میڈیا صارفین کے مطابق جس ڈی آر ایس کی وجہ سے کوہلی الیون غصے میں تلملا رہے ہیں اسی نظام کے تحت 2011 کے ورلڈ کپ میں سعید اجمل کی گیند پر ٹنڈولکر کے آؤٹ کا فیصلہ واپس ہوا تھا۔
دوسری جانب سابق کرکٹر گوتم گھمبیر نے بھی ویرات کوہلی کو شدید تنقید کا نشانہ بنایا ، گرتم گھمبیر نے کہا کہ کوہلی اس طرح کی حرکتیں کر کے کبھی بھی نوجوانوں کے آئیڈیل نہیں بن سکیں گے۔
انہوں نے کہا کہ پہلی اننگز میں بھی وکٹ کے پیچھے کیچ پر آپ ففٹی ففٹی ہی رہے اور بولر کی اپیل کے باوجود بھی خاموش تھے۔