پاک بھارت ٹاکرے سے قبل پاکستان اور بھارت میں زبردست جوش وخروش کا مظاہرہ کیا جارہا ہے۔ سوشل میڈیا پر بھی دونوں ممالک کی عوام میں لفظی جنگ چھڑ گئی ہے اور دلچسپ میمز شئیر کی جارہی ہیں۔۔
ٹوئٹر پر ہیش ٹیگ‘پاک ورسز انڈیا’ ،'موقع موقع' اور 'پاکستان زندہ باد'ٹاپ ٹرینڈ بن گئے ہیں۔
دونوں ممالک کے سوشل میڈیا صارفین دلچسپ میمز اور ویڈیوز شئیر کرتے رہے اور مختلف تبصرے کرتے رہے۔پاکستانی سوشل میڈیا صارفین دعویٰ کرتے رہے کہ بھارت کے ساتھ آج وہی ہوگا جو 2019 میں ابھی نندن کیساتھ ہوا تھا۔
پاکستان کی معروف آن لائن ٹیکسی سروس کریم نے ٹویٹ کیا اور کہا کہ ہم فری پیزا اور برگر ڈلیور کریں گے
کریم نے ابھی نندن کو پلائی گئی چائے کا حوالہ دیتے ہوئے مزید کہا کہ آپ کو فنٹاسٹک ٹی بھی چاہئے؟
ایک بھارتی سوشل میڈیا صارف نے دعویٰ کیا کہ پیر سے چین کو ٹی وی کے بڑے آرڈر ملنے کی توقع ہے۔
حنزلہ ملک نامی ایک پاکستانی سوشل میڈیا صارف نے لکھا کہ میدان میں 11 کھلاڑی اتریں گے لیکن انہیں دعائیں 22 کروڑ لوگ دیں گے۔
ابھی نندن کی تصاویر شئیر کرتے ہوئے ایک سوشل میڈیا صارف نے دعویٰ کیا کہ 24 اکتوبر کو انڈیا کے ساتھ وہی پاکستان کرے گا جو پاکستان نے ابھی نندن کیساتھ کیا تھا۔
اقصی احمد نے مزاحیہ انداز اپناتے ہوئے انوشکا شرما کی پریشان حالت میں ویرات کوہلی کے پاس بیٹھنے کی تصویر لگاتے ہوئے لکھا کہ سب کو اس وقت کا انتظار ہے۔
ماہ نور نامی صارف نے لکھا کہ پاک بھارت میچ نے شائیقین کی راتوں کی نیندیں اڑا رکھی ہیں۔
ایک سوشل میڈیا صارف جہانزیب نے کہا کہ آج بھارت کے لیے ایک اور “سرپراز” کا دن ہے۔
دیگر سوشل میڈیا صارفین نے بھی دلچسپ میمز اور تبصرے شئیر کئے