اسٹیٹ بینک کا کہنا ہے کہ 75 روپے کے نوٹ کا سوشل میڈیا پر وائرل ڈیزائن جعلی ہے۔ مرکزی بینک کی جانب سے وضاحتی بیان جاری کیا گیا ہے جس میں 75 ویں یوم آزادی کی مناسبت سے جاری کیے جانے والے 75 روپے کے نوٹ کے وائرل ڈیزائن کو فیک قرار دیا گیا ہے۔
یاد رہے کہ 17 جون کو اسٹیٹ بینک کی جانب سے جاری نوٹیفکیشن میں بتایا گیا تھا کہ 75 ویں یوم آزادی کے حوالے سے 75 روپے کے یادگاری نوٹ چھاپے جائیں گے۔ وزارتِ خزانہ نے اسٹیٹ بینک کو 75 روپے کا نوٹ چھاپنے سے آگاہ کیا۔
اس حوالے سے جاری نوٹیفکیشن میں بتایا گیا تھا کہ 75 روپے کے نوٹ کی چھپائی مقامی کاغذ پر ہوگی۔ جس کیلئے ڈیزائن کی حتمی منظوری بھی دے دی گئی تھی۔
واضح رہے کہ اس حوالے سے سوشل میڈیا پر دعوے کیے جا رہے تھے کہ اسٹیٹ بینک اس ڈیزائن کا نوٹ چھاپنے جا رہا ہے۔
