آزاد کشمیر میں بلدیاتی انتخابات کے دوسرے مرحلے کے دوران حکومتی حامی ٹی وی چینلز کی متضاد رپورٹنگ سامنے آگئی ہے۔
تفصیلات کے مطابق وفاقی حکومت کے حامی ٹی وی چینلز نے آزاد کشمیر میں بلدیاتی انتخابات کے دوسرے مرحلے میں پی ٹی آئی کی شکست اور حکومت کی فتح کی خبریں نشر کررہے ہیں جبکہ دیگر چینلز حکومت کی شکست کی رپورٹس دے رہے ہیں۔
جیو نیوز کی رپورٹ کے مطابق بلدیاتی انتخابات کے دوسرے مرحلے میں آزاد کشمیر کی حکمران جماعت پی ٹی آئی کو شکست کا سامنا کرنا پڑا ہے، وزیراعظم آزاد کشمیر کی اپنی آبائی یوسی میں بھی پی ٹی آئی امیدوار ہار گئے ہیں اور پی پی کے امیدوار اویس لیاقت134 ووٹ لے کر کامیاب ہوگئے ہیں۔
جیو کے مطابق پی ٹی آئی کو راولاکوٹ میں بھی بدترین شکست کا سامنا رہا، اور راولا کوٹ میں پی ٹی آئی کو صرف 2 نشستیں ہی مل سکی ہیں۔
92 نیوز کی رپورٹ جیو نیوز کی رپورٹ سے بالکل متضاد رہی، 92 کے مطابق آزاد کشمیر کے بلدیاتی انتخابات کے دوسرے مرحلے میں پی ٹی آئی نے میدان مار لیا ہے،پونچھ ڈویژن میں کل 787 نشستوں میں سے پی ٹی آئی 230 نشستوں کے ساتھ پہلے نمبر پر رہی۔
حکومت کے حامی چینلز کے مطابق تحریک انصاف کو شکست کا سامنا جبکہ باقی چینلز کے مطابق پی ٹی آئی بازی لے گئی۔۔ حکومت کے حامی چینلز ن لیگ ، پیپلزپارٹی اور دیگر جماعتوں کی سیٹوں کو ملاکر اپوزیشن کی جیت کا دعویٰ کرنے لگے جبکہ مسلم کانفرنس اور جے کے پی پی کبھی وفاقی حکومت کے اتحادی نہں رہے اور وہ صرف آزادکشمرر تک محدود ہیں۔
دوسری جانب مسلم کانفرنس نے بعض علاقوں میں تحریک انصاف کے ساتھ سیٹ ایڈجسٹمنٹ کی تھی اور تحریک انصاف نے انکے مقابلے میں امیدوار کھڑا نہیں کیا تھا۔