ملک بھر میں شہباز شریف کی مبینہ آڈیو لیک کا معاملہ طول پکڑ گیا، سابق وزیر داخلہ شیخ رشید نے بھی تشویش کا اظہار کردیا
شیخ رشید نے ٹویٹ میں لکھا کہ اسرائیل سےتعلقات اور بھارت سے تجارت کی مثال شہبازشریف کی آڈیولیک میں سامنے آگئی۔شریف خاندان بھارت سےبغیر کلیئرنس اپنی شوگرملوں کےلئے انجینئر منگواتا ہے۔
شیخ رشید نے مزید لکھا کہ سیاسی لڑائی طویل ہوئی توغریب کے حالات اور گھمبیر ہوجائیں گے،سیاستدان عام آدمی کےمسائل نہیں سمجھ رہا،صرف میڈیا میڈیا کھیل رہا ہے،حالات کےتقاضوں کو دیکھ کر ن لیگ بھی الیکشن مہم پر نکل رہی ہےستمبرستمگر ہے،اکتوبرمیں اہم فیصلے ہوجائیں گے۔
پی ٹی آئی رہنماؤں نے بھی کڑی تنقید کردی انہوں نے کہا کہ مبینہ آڈیو لیک سائبر سیکیورٹی پر سوالیہ نشان ہے، وزیراعظم ہاؤس سے آڈیو لیک ہونا دفاعی معاملہ ہے،معاملےکی تحقیقات کرائی جائیں۔
