تحریک انصاف نے کراچی کے حلقہ این اے 245 میں بڑے مارجن سے فتح سمیٹ لی ہے اس فتح پر صحافیوں اور تجزیہ کاروں کا کہنا ہے کہ ابھی تو عمران خان نے حلقے میں مہم نہیں چلائی اگر چلاتے تو نتائج کیا ہوتے؟
تجزیہ کار یوسف نظر نے کہا کہ پی ٹی آئی نے کراچی کے حلقہ این اے 245 میں ایم کیوایم سمیت پی ڈی ایم اتحاد کو شکست دی ہے، عمران خان کو گرفتار کیا گیا تو اس سے ان کی مقبولیت میں اور اضافہ ہی ہوگا۔ انہوں نے کراچی میں کوئی انتخابی مہم نہیں چلائی آپ کو پسند آئے یا نا مگر حقیقت یہی ہے کہ پی ٹی آئی سب سے مقبول جماعت بن گئی ہے۔
انہوں نے موجودہ صورتحال پر کہا کہ تحریک عدم اعتماد سے پہلے عمران خان کمزور تھے۔ گو کہ عدم اعتماد یوکرین کی جنگ سے تیل کی بڑھتی قیمتوں کے باعث بالکل درست تھا مگر یہ بہت بڑی غلطی تھی۔ عمران خان نے گیم پلٹ دی اور اب اسٹیبلشمنٹ اسے نکالنے کے درپے ہے۔
یوسف نظر نے کہا کہ اگر جنرل باجوہ ایکسٹینشن لیتے ہیں تو اس طرح ایک رائے ہموار کرنے میں مدد مل سکتی ہے کہ انہوں نے معیشت کی بحالی کیلئے سب کیا لیکن کیا یہ سب اتنا آسان ہے؟ کیونکہ میاں نواز شریف اور شہباز شریف کی سیاست کو ناقابل تلافی نقصان پہنچ رہا ہے۔
جبکہ صحافی عمران محمد نے لکھا کہ کراچی میں انتخابی مہم چلائے بغیر عوام کے ووٹ سے تیرا جماعتی اتحاد کو شکست دے کر عمران خان نے دہشت پھیلائی اس لئے اُن کیخلاف دہشتگردی کا مقدمہ بنتا ہے۔
سابق ترجمان وزارت خزانہ مزمل اسلم نے کہا ضمنی الیکشن کے نتائج اور عمران خان کی پوپولیریٹی دیکھ کر PDM کو اندازہ ہو رہا ہے اگلے جنرل الیکشن میں 75 فیصد سے زیادہ سیٹیں PTI لے جائے گی۔
رضوان غلزئی نے کہا کراچی الیکشن کا نتیجہ بتاتا ہے کہ جتنا عمران خان کو دبایا جائے گا، قوم اتنی ہی شدت کے ساتھ عمران خان کے حق میں نکلے گی۔ بکاؤ صحافیوں کی جھوٹی پراپیگنڈا مہم کا عوام کوئی اثر نہیں لیتے۔ قوم سب جانتی ہے۔
عمر دراز گوندل نے کہا عمران خان کی گرفتاری کا شور مچا ہوا اور خان صاحب کراچی الیکشن کی مبارکباد کا ٹویٹ کر رہے۔۔۔بھئی اگلا آپکو سیرئیس ہی نہیں لے رہا۔
ثاقب کھرل نے کہا ایف آئی آر مذاق نہیں ہے۔ پی ڈی ایم کی بقاء کی جنگ ہے۔ پنجاب کے ضمنی الیکشن اور اب کراچی کا رزلٹ عمران خان کی موجودگی میں تمام سیاسی جماعتیں سانس تک نہیں لے پا رہیں وہ سب اپنی سیاست بچانے کو کسی بھی حد تک جائیں گے۔ حل صرف الیکشن ہے جس کا رزلٹ پی ڈی ایم کو پہلے سے معلوم ہے۔
تجزیہ کار اطہر کاظمی نے کہا آپ کو یاد کرواتا چلوں آج کراچی میں زرداری، بلاول، شہباز، مولانا، ایم کیو ایم ، اسفند یار ولی اور دیگر کو اکیلے عمران خان نے این اے 245 کے ضمنی الیکشن میں شکست دی ہے۔
