رہنما تحریک انصاف شہباز گل کا کہنا ہے کہ وزیراعظم کے جہاز میں فرار ہونے والے وزیر خزانہ اسحاق ڈار ، وزیراعظم کے جہاز میں ہی واپس آ کر وزارت خزانہ پر بیٹھ رہے ہیں۔
شہباز گل نے ٹوئٹ میں لکھا کہ اس کا مطلب ڈرامے میں صرف وقفہ آیا تھا اور کرپشن سے مطلقہ جی آئی ٹی اور عدالتی کاروائیاں اس سارے ڈرامے میں صرف اشتہارات تھے۔ پاکستان کی قسمت میں پھرکرپشن لکھ دی گئی۔
جبکہ ان کے علاوہ بھی تحریک انصاف کے سینئر رہنماؤں کی جانب سے اسحاق ڈار کی واپسی پر سخت ردعمل کا اظہار کیا گیا ہے۔ پی ٹی آئی کے سینئر رہنما اور سابق وفاقی وزیر فواد چوہدری نے اپنے ایک بیان میں کہا ہے کہ ’ ڈار کی انٹری ایک نئے بحران کے سوا کچھ نہیں‘ ۔
سابق وفاقی وزیر اور رہنما پی ٹی آئی علی زیدی نے اپنے بیان میں اسحاق ڈار کو منی لانڈرر قرار دیتے ہوئے کہا ہے کہ ’ ایک منی لانڈرر کی جگہ دوسرے منی لانڈرر کو وزیر خزانہ لگایا جا رہا ہے۔‘
جبکہ سابق وفاقی وزیر اور پی ٹی آئی کے سینئر رہنما حماد اظہر نے بھی اس حوالے سے اپنا ایک بیان جاری کیا ہے۔ انہوں نے کہا ڈار کی معاشی سوچ نہ صرف آئی ایم ایف کے سانچے بلکہ مرکزی معاشی سوچ کے بھی بالکل برعکس ہے لیکن یہ دیکھنا دلچسپ ہوگا کہ اس کے عجیب و غریب خیالات آئی ایم ایف کے ساتھ کیسے بیٹھتے ہیں۔