agar pakistan ko fil haqeeqat riyaaste madina banaana hai to mazhabi aur secular nahin asal deeni taleem ki zaroorat hai. warna agar mazhab ka asar secularism se ziyaada ho ga to qowm ziyaada barbaad ho gi kyunkeh mazhab haqeeqi duniya ki haqeeqatun se us darje ka taaluq hi nahin rakhta jo qowm ki taraqi ke liye laazmi darkaar hai. agar logoon ka khayaal hai keh main ghalat keh rahaa hun to laayen saboot keh mazhabi taleem ki bunyaad per mulk taraqi ker sakta hai.
mazhab ke maqaable main secularism ki taleem behtar hai keh is main phir bhi logoon ko apne roti paani ki to fiker hoti hai. log sirf khudaa se dawaaon per to kaam nahin chalaate. qowm ki asal taraqi yahee hai keh qowm apne mulk ko jannat banaaye. mazhab aur secularim per chal ker qowm sirf aur sirf barbaad hi ho sakti hai aur sawaal sirf yeh reh jaata hai keh kitni barbaad, yani kam ya ziyaada? agar deen ko apnao ge to phir aap ka maqaabla duniya main koi bhi nahin ker sakta keh deene islam ka asal hadaf hi issi duniya ko insaaniyat ke liye jannat banaana hai. main bataa chuka hun aisa ho kaise sakta hai. agar us ko padha nahin to padho aur samjho aur aik doosre ko bhi samjhaao. For better understanding of deen of islam from the quran see
HERE,
HERE,
HERE and
HERE.
taleem ka asal maqsad ye hona chahiye keh ham apne logoon ko sab se pehle ye bataayen keh ham khade kahaan hen. is main hamaare liye batore insaan achhaa kia hai aur bura kia hai. phir ye keh ham ko jaana kahaan chahiye aur kyun. us main achhaa kia hai aur bura kai hai ta keh logoon ko farq maloom ho sake dono ke darmiyaan. phir ye keh ham wahaan pohnchen ge kaise jahaan ham jaana chahte hen. deene islam ke saath mazaaq band hona chahiye keh naam deene islam ka aur kartoot haraamiyun waale kiye jaayen mazhab aur secularism ko apnaa ker.