الیکشن کمیشن کی جانب سے ووٹر لسٹوں میں سنگین غلطیاں سامنے آنے کا سلسلہ جاری ہے،اے آر وائی نیوز رپورٹ کے مطابق پی ٹی آئی کا کراچی سے بلدیاتی امیدوار الیکشن کمیشن کے ریکارڈ میں مردہ قرار دیا گیا۔
کراچی کے علاقے بفرزون کے رہائشی فیصل ریاض نے بتایا کہ بلدیاتی امیدوار کے طور پر کاغذات جمع کرانے گیا تو ووٹر لسٹ میں مردہ قرار پایا گیا، امیدوار فیصل ریاض نے کہا کہ الیکشن کمیشن کی غلطی کی وجہ سے پریشانی کا سامنا کرنا پڑ رہا ہے۔
متاثرہ شہری نے بتایا کہ جنرل کونسلر کے لیے بلدیاتی انتخابات لڑنا چاہتا تھا،کاغذات نامزدگی جمع کرانے کی تاریخ گزر گئی،ریکارڈ میں ابھی مردہ ہوں۔
اس سے قبل بھی الیکشن کمیشن پی ٹی آئی کے رکن سندھ اسمبلی ریاض حیدر کو مردہ قرار دے چکی تھی،پی ٹی آئی رہنما نے کہا تھا کہ الیکشن کمیشن سے موصول ایس ایم ایس میں فوتگی سے آگاہ کیا۔
ریاض حیدر نے کہا تھا کہ ایسے عمل سے اندازہ لگایا جا سکتا ہے کہ الیکشن کمیشن کی کیا کارکردگی ہے، سازش کے تحت ووٹر لسٹ میں گڑ بڑ کی جا رہی ہے۔
چیئرمین پی ٹی آئی عمران خان کی جانب سے بھی الیکشن کمیشن پر تنقید کی جاتی رہی ہے،عمران خان نے کہا تھا کہ صاف و شفاف انتخابات کے ساتھ ساتھ ایک الیکشن کمشنر سے مستعفی ہونے کا مطالبہ کیا تھا۔
