Mullah aise nahi hotay. Agar hotay bhi hain to aatay main namak ke barabar lekin dekhaanay waala aatay ko lekar namak ka pahaarr dekhaata hai aur wo goya hamari aankhon ke liye thandak ban jaati hai ke dekhaa saare mullah aise hi hotay hain....
Jis tarah saare musalmaan dehshat gard ya shiddat pasand nahi usee tarah saare Mullah ya daarhi waalay jannat dozakh ke certificate nahi baanttay... Maghribi dunya un aatay main namak ko lekar sab ko dehshat gard maanti hai lekin aapki soch aur unki soch main kuch farq hona chahiye...
@rashidfarooq sahib achi likhaayee ke liye shukria lekin ye samajh nahi aaya ke is column ka markazi khayal kya tha?
Jannat Dozakh ka faisla Allah paak ne karna hai lekin kuch bandon ke baare main hamain bata diya gaya hai ke ye kisi soorat jannat main nahi daakhil hongay bashart ye ke wo marne se pehle toba kar lain aur us per kaaim rahain...
Aap se aik sawaal hai ke Shaitan, Qaroon, namrood, abujahal, Bush, zulm karne wala khudkash hamlon main begunah ko maarne wala, muna.afiqeen aur in jese bohot saare bhi Allah ki banaee hue makhlooq hain, kya wo jannat main jaayengay ya dozakh main baqol aik bhaai ke wo deen ke baare main ziyaada nahi jaantay lekin unka israar hai ke Allah paak apne haath se banaai huee makhlooq ko dozakh main nahi phainke ga?
Aapke thread ka shukria ke bohot achay achay comments perhne ko milay aur aik mera bhi mashwara hai ke aap bohot acha likhte ho perh kar maza aata hai aapki tehreer lekin aap deen ko pehle samjhain aur phir deen ke baare main likhain kyon ke jis mozu ko leker aap ne tehreer likhi hai us per naami garaami ulema bhi behes karne se ghabraatay hain... Wallahu aalam... Shukria