وفاقی شرعی عدالت نے والدین کی جانب سے اولاد کو جائیداد بطور تحفہ دینے سے متعلق کیس میں وزارت قانون کو نوٹس جاری کرتے ہوئے جواب طلب کر لیا۔
تفصیلات کے مطابق وفاقی شرعی عدالت میں اولاد خصوصا بیٹوں کو جائیداد بطور تحفہ دینے اور بیٹیوں کو وراثتی جائیداد سے محروم کردینے سے متعلق درخواست پر سماعت ہوئی ۔
شرعی کورٹ کے معزز جج جسٹس سید محمد انور نے سماعت کی، درخواست گزار کے وکیل ایڈووکیٹ داؤد اقبال نے اس موقع پر موقف اپنایا کہ معاشرے میں ایسی روایات رائج ہیں جن میں گھر کی خواتین جن میں بیٹی، بیوی، بہن وغیرہ شامل ہیں کو وراثتی جائیداد میں حصے سے محروم کردیا جاتا ہے۔
درخواست گزار نے وکیل نے کہا کہ دوسری جانب وراثتی جائیداد کو بطور تحفہ بیٹوں کو دیدی جاتی ہے، ایسا کرنا شریعت کی واضح خلاف ورزی ہے۔
درخواست گزار نے وکیل نے اپنے موقف کی حمایت میں دلیل کے طور پر ہمارے نبی محمد ﷺ کی احادیث بھی پیش کیں۔
عدالت نے درخواست گزار کی جانب سے انسانی حقوق کی پٹیشن کو شرعی پٹیشن میں تبدیل کرتےہوئے وزارت قانون کو نوٹس جاری کردیا ہے۔