وزیراعظم عمران خان کا کہنا ہے کہ آج این سی او سی بند کردیا گیا ہے، این سی او سی کی ٹیم اور قیادت کو مبارکباد دیتا ہوں۔
سماجی رابطے کی ویب سائٹ ٹوئٹر پر اپنے بیان میں وزیراعظم عمران خان نے کہا کہ این سی او سی نے بے مثال قومی اتحاد سے وبا کا کامیابی سے مقابلہ کیا۔
وزیراعظم عمران خان کا کہنا تھا کہ وبا سے نمٹنے کی بہترین حکمت عملی کی دنیا نے تعریف کی۔
دوسری جانب سربراہ این سی او سی اسد عمر نے بھی اپنے بیان میں بتایا کہ این سی او سی کے آپریشن کا آج آخری دن ہے۔
اسد عمر کا کہنا تھا کہ کورونا سے متعلق ذمہ داریاں وزارت صحت کو منتقل کر دی گئی ہیں۔
انہوں نے کہا کہ این سی او سی کی سربراہی باعث فخر رہی، پاکستان نے جس طرح کورونا پر قابو پایا دنیا نے اس کی تعریف کی۔
اللہ کی رحمت اور پوری قوم کے تعاون سے ہم اس وبا کے چیلنج پر قابو پانے میں کامیاب ہوئے ہیں۔