بجلی صارفین کے لئے ایک اور بری خبر ، بجلی 4 روپے 69پیسے فی یونٹ مزید مہنگی ہونے کا امکان ہے،نیپرا اتھارٹی 31 اگست کو سماعت کے بعد اپنا فیصلہ سنائے گی، صارفین پر 65 ارب روپے سے زائد کا اضافی بوجھ پڑے گا۔
سینٹرل پاور پرچیزنگ ایجنسی کا کہنا ہے کہ جولائی کے لئے ریفرنس لاگت 6 روپے 28 پیسے فی یونٹ مقرر تھی جبکہ بجلی کی پیداواری لاگت 10 روپے 98 پیسے فی یونٹ رہی ،جولائی میں کل 13 ارب 76 کروڑ یونٹس بجلی پیدا کی گئی۔
سی پی پی اے کا کہنا ہے کہ جولائی میں پانی سے 35.17 فی صد، کوئلے سے 12.74 فی صد، ڈیزل سے 1.46 فی صد، فرنس آئل سے 6.42 فی صد بجلی پیدا کی گئی،سی پی پی اے کے مطابق ڈیزل سے پیدا بجلی کی لاگت 27 روپے 88 پیسے فی یونٹ رہی۔
فرنس آئل سے 35 روپے 69 پیسے فی یونٹ بجلی پیدا کی گئی، مقامی گیس سے 10.36 اور درآمدی ایل این جی سے 14.98 فی صد بجلی پیدا کی گئی، ایل این جی سے پیدا بجلی کی لاگت 28 روپے 28 پیسے فی یونٹ رہی۔
جوہری ایندھن سے 14.20 فی صد بجلی پیدا کی گئی، جس کی لاگت 1 روپے فی یونٹ رہی،سی پی پی اے نے بتایا کہ جولائی کے لیے ریفرنس لاگت 6 روپے 28 پیسے فی یونٹ مقرر تھی، بجلی کی پیداواری لاگت 10 روپے 98 پیسے فی یونٹ رہی، اس طرح جولائی میں کل 13 ارب 76 کروڑ یونٹس بجلی پیدا کی گئی۔
بجلی بلوں میں فیول پرائس ایڈجسمنٹ کے خلاف پشاور کے رہائشی سڑکوں پر نکل آئے، کہتے ہیں بجلی آتی نہیں بل بھرپور آرہے ہیں۔
