وزیر خارجہ بلاول بھٹو زرادری نے پاکستان میں امریکی سفیر ڈونلڈ بلوم سے ملاقات کی، جس پر رہنما پی ٹی آئی شیریں مزاری نے شدید تنقید کردی۔
شیریں مزاری نے ملاقات کی تصویر شیئر کرتے ہوئے ٹویٹ کیا کہ ایک نامزد سفیرصدرمملکت کو اپنی اسناد پیش کئے بغیر ہی کیسےباضابطہ طور پر امپورٹڈ وزیرِ خارجہ سے مل سکتا ہے؟
انہوں نے لکھا کہ یا ڈونلڈ بلوم یہ سمجھتے ہیں کہ چونکہ یہ امپورٹڈ وزیرخارجہ تبدیلی حکومت کی امریکی سازش کے نتیجے میں مسند پر براجمان ہے،چنانچہ وہ معمول کے سفارتی رسوم و آداب کے پابند نہیں؟
پاکستان میں امریکا کے نئے سفیر ڈونلڈ بلوم نے ملک کی حکومت، سیاسی جماعتوں اور سول سوسائٹی کے ساتھ دو طرفہ بات چیت کے ذریعے حکومت کی تبدیلی کے تنازع سے آگے بڑھنے کے واشنگٹن کے ارادے کا عندیہ دیا ہے۔
ڈونلڈ بلوم گزشتہ ماہ کے آخر میں پاکستان پہنچے تھے،اور چارج سنبھالا تھا، دوسری جانب وزرائے خارجہ کی ملاقات کے دوران سرمایہ کاری اور تجارت پر زور دینے کی طرح ڈونلڈ بلوم نے بھی تھا کہا کہ وہ دو طرفہ تجارت اور سرمایہ کاری کو مزید فروغ دینے کے لیے پرعزم ہیں۔
