بھارتی حکومت نے پاکستانی حکومت کے آفیشل سوشل میڈیا کو اپنے ملک میں بلاک کر دیا۔
بھارتی میڈیا رپورٹس کے مطابق مودی حکومت نے پاکستانی سوشل میڈیا کو ہندوستانی سوشل میڈیا صارفین کیلئے بلاک کر دیا ہے۔ معروف بھارتی نیوز ایجنسی نے اس حوالے سے ایک اسکرین شاٹ بھی شیئر کیا ہے جس میں دیکھا جا سکتا ہے کہ حکومت پاکستان کا اکاؤنٹ بلاک کیا گیا ہے۔
غیر ملکی خبر رساں ادارے اے این آئی کی جانب سے شیئر کیے گئے حکومت پاکستان کے بلاکڈ ٹوئٹر پیج پر لکھا گیا ہے کہ اس اکاؤنٹ کو کچھ قانونی تقاضوں کی وجہ سے بلاک کیا گیا ہے۔
دوسری جانب پاکستانی حکومت یا اس کے ترجمانوں نہ ہی دفترخارجہ کی جانب سے اس پر فی الحال کوئی ردعمل دیکھنے میں آیا ہے۔
یاد رہے کہ یہ پہلی بار نہیں اس سے قبل جون کے مہینے میں بھی بھارت نے پاکستان سمیت متعدد دیگر ممالک کے سفارتخانوں کے اکاؤنٹس کو بھارت میں بلاک کیا تھا۔
