چیئرمین تحریک انصاف عمران خان کا کہنا ہے کہ جب سے امپورٹڈ کرائم منسٹر کے کرپٹ بیٹے نے پنجاب میں غیر قانونی طور پر مضحکہ خیز الیکشن کے ذریعے اقتدار پر قبضہ کیا ہے، تب سے یہاں مافیا کا راج نظر آ رہا ہے۔
مائکروبلاگنگ ویب سائٹ ٹوئٹر پر عمران خان نے کہا پاکستان کے سب سے زیادہ آبادی والے صوبے میں مکمل سیاسی انارکی ہے۔ عوام پریشان، کسانوں کی فصلیں خطرے میں، کوئی گورننس نظر نہیں آرہی، صرف ایک مجرم مافیا فساد پیدا کر رہا ہے۔
انہوں نے ایک اور ٹوئٹ میں کہا کہ پولیس اور مقامی انتظامیہ اس مافیا کے ساتھ ملی ہوئی ہے اور پی ٹی آئی کے پرامن کارکنوں، لیڈروں اور ان کے خاندانوں پر دہشت کا راج مسلط ہے۔
سابق وزیراعظم نے یہ بھی کہا کہ حمزہ شہباز اب محسوس کر رہے ہیں کہ وہ عوام کی منتخب قیادت کے سامنے جوابدہ نہیں ہیں۔ ہم اس طرح کی انتشار اور مجرمانہ حکمرانی کی اجازت نہیں دے سکتے۔