بھارت میں کسان محاذ مودی حکومت کے انتہای متنازعہ قانون کو ختم کروانے کیلئے چھ ماہ سے ڈٹا ہوا ہے ۔ کسانوں کے ہمراہ راشن سے بھری ٹرالیاں اور بیوی بچے بھی ہیں وہ اپنا کھانا پکاتے , سردی سے بچاو کیلئے لکڑیاں جلاتے ، بیماری سے بچاو کیلئے دوایاں وغیرہ پر اپنا خرچہ بھی خود اٹھا رہے ہیں۔ یہی وجہ ہے کہ ان کا دھرنا اب تک بہت کامیابی سے جاری وساری ہے۔ مودی حکومت سمجھتی تھی کہ اس دھرنے کو طوالت دینے سے یہ لوگ خود ہی اپنے گھروں کو واپس چلے جائیں گے مگر ایسا نہیں ہوا اور اب دھرنا زیادہ شدت اختیار کرچکا ہے۔ اس دوران کسانوں نے دہلی کے لال قلعے پر اپنا جھنڈا بھی لہرا دیا۔ پولیس نے اس دوران ان پر بدترین تشدد اور آنسو گیس کی شیلنگ کی مگر کسان پانچ بندے مروانے اور سینکڑوں زخمی کروانے کے باوجود رکے نہیں اور اپنی منزل پ پنہچ کر ہی دم لیا
پولیس کے بدترین تشدد کو چھپانے کیلئے مودی کے پروردہ چینلز نے پولیس کی مظلومیت کی داستانیں نشر کرنا شروع کردیں مگر پھر بھی جو ویڈیوز دکھای جارہی تھیں ان میں پولیس بے رحمی سے چلتے ٹریکٹرز پر بیٹھے نہتے کسانوں پر ڈنڈے برسا رہی تھی، حیرت ہے لوگ ان ویڈیوز کو دیکھ کر کسانوں کی بجاے پولیس کے حق میں بول رہے ہیں، چھبیس جنوری کو کئے گئے بدترین ریاستی تشدد پر کسانوں کی بجاے پولیس کی مظلومیت کا رونا رویا جارہا ہے
کسانوں کو اب ایک اور کامیابی مل رہی ہے کیونکہ ان کی مستقل مزاجی دیکھ کر اب دنیا کی توجہ اب ان کی طرف مرکوز ہورہی ہے۔ مودی حکومت اور اس کے چٹے بٹے سمجھتے ہیں کہ اس میں پاکستان کی سازش ہے مگر انہیں یاد رکھنا چاہئے کہ اس میں کوی سازش نہیں بلکہ کسانوں کی ہمت اور صبر ہے جو بالاآخر رنگ لارہا ہے
یوکرائین میں فریزنگ ٹمپریچر تھا جب لوگ سڑکوں پر کھڑے تھے اور بالاآخر وہاں کے صدر کو جانا ہی پڑا تھا
مجھے اس بات پر حیرت ہے کہ پاکستان کی حکومت اور اس کے رینٹل طوطوں اور مشیران خصوصی کی فوج ظفر موج وزیراعظم سمیت کیوں اس مدے پر زبان کو تالے لگا کر بیٹھے ہیں؟
اگر آپ بھارت کی الزام تراشی سے ڈر رہے ہین تو آپ کی خاموشی کے باوجود ایسے الزامات تو بھارتی حکومت کی طرف سے مسلسل لگاے جارہے ہیں
دنیا کے فنکار بھی اس پر لب کشای کررہے ہیں مگر پاکستانی فنکار شائد بھارتی فلموں میں کام نہ ملنے کے خوف سے زبان بند کرکے دبکے ہوے ہیں
علی ظفر جسے صدارتی ایوارڈ دیا جارہا تھا اب کیون چوہے کی طرح بل میں گھسا ہوا ہے؟
پاکستان کے دیگر گلوکار نغمے بنا کر بھارتی کسانوں کی ہمت بڑھا رہے ہیں تو علی ظفر کیوں خاموش ہے ؟
لگتا ہے ہر وہ بندہ جس کا تعلق موجودہ حکومت سے ہے مودی کیلئے آج بھی دعائیں کررہا ہے