سابق وزیراعظم کے مشیر برائے داخلہ و احتساب شہزاد اکبرنے وفاقی وزیر ریلوے سعد رفیق کے ایک بیان پر ردعمل دیتے ہوئے کہا ہے کہ "شہزادا کبر تو نہیں بھاگا"۔
مائیکروبلاگنگ ویب سائٹ ٹویٹر پر مسلم لیگ ن کے رہنما اور وفاقی وزیر ریلوے خواجہ سعد رفیق نے ایک بیان جاری کیا اور کہا کہ مخالفین سے جیلیں بھرنے والا شہزاد اکبر بھاگ گیا، پنجاب حکومت کی ڈی فیکٹو سابقہ خاتون اول کی لیڈی فرنٹ ویمن بھاگ گئیں۔
انہوں نے مزید کہا کہ نیب کوروڈ رولرکیطرح استعمال کرنیوالے ڈر کیوں رہے ہیں، بقول پی ٹی آئی گینگ انہوں نے کچھ کیا نہیں تو ڈر کیسا، دوسروں کوچوہے کہنے والوں کےخود چوہے بننے کا وقت ہوا چاہتاہے۔
خواجہ سعد رفیق نے اس بیان میں اپنے تذکرے کو دیکھ کر سابق مشیر برائے داخلہ و احتساب شہزاد اکبر سے رہا نہ گیا اور انہوں نے اس پر ردعمل دیتے ہوئے کہا کہ"شہزاد اکبر تو نہیں بھاگا"۔
شہزاد اکبر نے مزید کہا کہ البتہ جتنی منتیں اور ترلے سعد رفیق نے عمران خان سے کیے ان کا گواہ محمد معظم علی ہے۔
انہوں نے کہا کہ کچھ شرم و حیا ہوتی ہے، ہمت ہے تو اس سے پوچھ لو، ویسے سعد رفیق صاحب آپ بھی بہت بہتر جانتے ہیں آپ کو جیل میں کس نے ڈلوایا ہمت ہے تو براہ راست انہیں مخاطب کریں۔