سوشم میڈیا پر چہرے پر گیند لگنے کے باوجود شاندار بیٹنگ کرنے والے رضوان کی تعریفیں آسٹریلیا کے خلاف سیمی فائنل میں شاندار بیٹنگ کرنے والے محمد رضوان کی چہرے پر سوزش کی تصاویر سوشل میڈیا پر وائرل ہورہی ہیں۔
تفصیلات کے مطابق آئی سی سی ٹی 20 ورلڈ کپ کے سیمی فائنل میں محمد رضوان کو آسٹریلوی فاسٹ باؤلر مچل سٹارک نے تیز رفتار باونسر مارا جو رضوان کے ہیلمٹ پر لگا اور خوش قسمتی سے انہیں کوئی نقصان نہیں پہنچا۔
مگر میچ میں تھوڑی دیر بعد رضوان کے چہرے پر ہلکی سوزش واضح ہونا شروع ہوئی جس کی تصاویر سوشل میڈیا پر وائرل ہونا شروع ہوگئی ہیں، صارفین نے گیند لگنے کے باوجود شاندار انداز میں اپنی بیٹنگ جاری رکھنے والے رضوان کیلئے تعریفانہ کلمات کی بھرمار کردی ہے۔
عینی نامی صارف نے کہا کہ وطن کی مٹی گواہ رہنا رضوان تیرا نام رہے گا۔
میر افضل کھوسو نے کہا کہ لگن کا یہی لیول ہونا چاہیے۔
ایک صارف نے رضوان کی ففٹی کے بعد دعا کیلئے ہاتھ اٹھانے کی تصویر شیئر کی اور کہا کہ انکساری دیکھیں۔
جگ دیش نے کہا کہ رضوان کی عزت بہت بڑھ گئی ہے۔
ایک اور صارف نے رضوان کی ڈائیو کی تصویر شیئر کی اور کہا کہ شاندار ڈائیو اس نے اپنی تمام صلاحیتیں صرف کردیں۔