bahot afsos hota hai keh log quraan ki baatun se kis qadar unjaan hen. main ne baar baar ye baat logoon ko samjhaane ki koshish ki hai keh cheezen apni asal main na halaal ho sakti hen na haraam. cheezen sirf aur sirf cheezen hen.
aik chhuri aik chhuri hai aur aik car aik car hai aur aik bakri aik barki hai waghera waghera. agar kissi shai ko ham halaal ya haraam qaraar den ge to ye baat hi ghalat ho gi. is liye keh kissi shai main shai hone ke ehtbaar se bizzaat hillat ya hurmat ho hi nahin sakti.
agar app ki nazar main aisa ho sakta hai to bataayen kaise? nahin to quraan ya deene islam se ghalat baatun ki nisbat dena se baaz aayen.
asal baat insaanu ka ashiyaa ka istemaal hai. lihaaza kissi insaan ka kissi shai ko haasil kerna ya us ko istemaal kerna halaal ya haraam ho sakta hai. albatta is ke liye bhi sabab yaani illat ka hona laazmi hai. yani kisi shai ke halaal ya haraam hone ke liye jawaaz darkaar hota hai. ya yun samjhen keh agar kissi shai ka haasil kerna ya istemaal kerna halaal hai to us ki wajah kia hai. issi tarah agar kissi shai ka hasool ya istemaal haraam hai to phir us ki kia wajah hai?
ye hai saheeh baat jo quraan bataata hai. baaqi sab mullaan ki quraan aur deene islam se jahaalat ka nateeja hai. issi liye to kehta hun khud ko quraan ko theek tarah se samajhne ke qaabil karo warna mullaan log aap ko kaheen ka nahin chhoren ge. ye klog aap ko uljhaa uljhaa ker maarte rahen ge.
jis tarah koi shai bhi bizzaat halaalo haraam nahin ho sakti issi tarah sharaab bhi bizzaat halaalo haraam nahin ho sakti balkeh is ko hassil kerna ya is ko istemaal kerna halaal ya haraam ho sakta hai.
is duniya main khudaa ne koi aik shai bhi ghalat peda nahin ki hai. albatta her shai kissi na kissi maqsad ya kuchh maqaasid ke liye peda ki hai. soorah falaq ko padhen to pata chal jaaye ga. magar nahin aap ne to quraan ki zabaan seekhne ki takleef hi gawaara nahin ki to phir aap ko kia pata chale ga? khudaa ke bando khud ko quraan ko theek tarah se samajhne ke qaabil karo taa keh kinaare lag sako. mera matlab aap ko thikaane lagaane ka nahin hai. yahee to insaani zabaan ki uljhanen hen. thikaane lagaana bhi do maani rakhta hai. aik ye keh kissi ko maar dena ya anjaam tak pohnchaa dena ya tabaho barbaad ker dena aur doosre aap ko apni manzil tak pohnchaa dena jahaan aap ko jaana hai ya aap jaana chahte hen.
quraan main sharaab nahin nasha haraam hai. issi liye her qisam ki nasha aawar cheezun ka nashaa lene ke liye istemaal main laana haraam hai. musalmaan hota hi woh hai jo aqlo fiker ko istemaal kare aur nashaa aqlo fiker se insaan ko mehroom ker deta hai.
lihaaza ye kehna hi ghalat hai keh falaan shai haraam hai. agar koi kehta bhi hai to us ka matlabo maqsad wohee hota hai ya ho sakta hai jo main ne tafseel se bataa diya hai.
aur to aur khud quraan ka padhna bhi baaz halaat main yani baaz wajuhaat ki wajah se naajaaiz ho sakta hai. khud quraan hi main hai keh mullaan log ummatun ke logoon ko gumrah kerte aaye hen aage aap khud samajhdaar hen. For better understanding of deen of islam from the quran see
HERE,
HERE,
HERE and
HERE.