نبیحہ اعجاز نے پروگرام میں اپنے منہ کی بات عمران خان کے منہ میں ڈال کر پروگرام کا آغاز کیا تو سمیع ابراہیم خاتون اینکر پر برس پڑے اور کہا کہ وہ یقین کے ساتھ شرط لگا کر کہہ سکتے ہیں کہ خاتون اینکر نے پروگرام دیکھا ہی نہیں۔
سمیع ابراہیم نے کہا کہ انہوں نے خود عمران خان کا انٹرویو کیا ہے جس میں کہیں بھی سابق وزیراعظم نے یہ نہیں کہا کہ ملک کے تین حصے ہونے جا رہے ہیں۔ انہوں نے کہا کہ عمران خان نے دشمن کے عزائم بتائے تھے۔
صحافی سمیع ابراہیم نے خاتون اینکر نبیحہ اعجاز کو جھاڑ پلانے والے انداز میں کہا کہ وہ حقائق کو توڑ مروڑ کر پیش کر رہی ہیں کیونکہ میڈیا کو موجودہ حکومت کی جانب سے اشتہارات دیئے گئے ہیں اس لیے آپ لوگ کل سے بیٹھے اس بیان کے خلاف باتیں کر رہے ہیں۔
سمیع ابراہیم نے کہا کہ عمران خان نے دراصل یہ کہا تھا کہ اگر اسٹیبلشمنٹ باز نہ آئی اور لوگوں کو انتخابات کے ذریعے اپنی حکومت منتخب کرنے کا موقع نہ ملا تو اس کا نتیجہ یہ نکلے گا کہ دشمن کے منصوبے کامیاب ہو جائیں گے اور جوہری اثاثوں پر بھی قبضے کا خدشہ ہے۔