عالمی ریٹنگ ایجنسی موڈیز نے پاکستان کی ریٹنگ کو مزید منفی کردیا ہے، موڈیز کے مطابق پاکستان کی ریٹنگ بی 3 سےسی اے اے کردی گئی ہے۔
تفصیلات کے مطابق سیلاب میں ڈوبی معیشت کو بڑا جھٹکا لگ گیا ہے، نا ہی آئی ایم ایف سے ڈیل کام آئی، عالمی ریٹنگ ایجنسی موڈیز نے پاکستان کی معاشی ریٹنگ کو منفی کردیا ہے۔
پاکستان کی وزارت خزانہ نے موڈیز کی ریٹنگ پر ردعمل دیتے ہوئے کہا ہے کہ موڈیز کا تخمینہ قبل از وقت ہے۔
سابق وزیر خزانہ شوکت ترین نے اس معاملے پر ردعمل دیتے ہوئے ٹویٹ کرتے ہوئے کہا کہ موڈیز نے پاکستان کو B3 سے Caa کر دیا ہے اور آؤٹ لک منفی ہے، ہ آئی ایم ایف پروگرام کی تجدید اور ڈار صاحب کے گھر آنے کے باوجود ہے۔
انہوں نے مزید کہا ریٹنگ ایجنسی کو بیرونی کھاتوں کی کمزوریوں کے حوالے سے خدشات ہیں۔ پی ٹی آئی حکومت کے جانے کے بعد سے یہ دوہری کمی ہے۔