عمران ریاض خان پوائزنڈ سوشل میڈیا پر ٹاپ ٹرینڈ کررہا ہے, خبر زیر گردش ہے کہ سینئر اینکر عمران ریاض خان کو جیل میں زہر دیا گیا اور انہیں لاہور ایئر پورٹ پر دبئی جانے سے روک دیا گیا جہاں وہ اپنے مزید ٹیسٹ کرواتے
اظہر مشوانی نے لکھا کہ اطلاعات کے مطابق ڈاکٹرز نے عمران ریاض خان کو دوران حراست زہر دئیے جانے کا خدشہ ظاہر کیا،اور بزدل امپورٹڈ سیٹ اپ والے ٹیسٹ بھی نہیں ہونے دے رہےاس سب کا کیا مطلب سمجھا جائے؟
اقبال تاج نے عمران ریاض کیلیے سلامتی کی دعا کی
سالار سلطانی نے لکھا کہ عمران ریاض کو زہر دیےجانے کی خبریں ہیں۔ اور انکو علاج کےلیے ملک سے باہر جانے بھی نہیں دیا جارہا۔ کیا ہم کسی Ghetto میں پابندسلاسل ہیں اور کوئی ہٹلر ہمیں عبرت کا نشان بنانا چارہاہے؟
مغیز علی نے لکھا کہ عمران ریاض خان کو زہر دینے کی کوشش کی گئی، اب باہر جانے نہیں دے رہے,عمران ریاض خان نے باہر جا کر صرف ٹیسٹ کرانا چاہتے تھے تاکہ بطور ثبوت رپورٹ بوقت ضرورت منہ پر ماری جائے لیکن انہیں باہر جانے سے روک دیا گیا۔۔ یہ تو جانی دشمن بن گئے ہیں
انور لودھی نے لکھا کہ فاشسٹ حکومت نے عمران ریاض کو ائرپورٹ پر روک لیا ہے... وہ حراست کے دوران زہر دیے جانے کے خدشے کی تصدیق کے لیے ڈاکٹر کے پاس دوبئی جانا چاہ رہے تھے... ڈاکٹر سے اپائنمٹ بک ہو چکی تھی.. اب اگر عمران ریاض کو جسمانی طور پر نقصان پہنچا تو اسکی تمام تر ذمہ داری اس امپورٹڈ حکومت پر ہو گی
ایک صارف نے لکھا کہ عمران ریاض کو جیل میں زہر دیا گیا ہے؟ اگر ایسا کیا ہے تو یہ اپنی حدیں کراس کر رہے ہیں. سری لنکا بنانے کی جلدی ہے.
عمران ریاض خان کو حال ہی میں متعدد مقدمات میں ضمانت ملی ہے,عمران ریاض دبئی جانے کے لئے لاہور ایئرپورٹ پہنچے تو امیگریشن حکام نے انہیں طیارے سے آف لوڈ کردیا۔
ایف آئی اے ذرائع کا کہنا ہے کہ ان کا نام بلیک لسٹ میں ہے اسلیے یہ اقدام اٹھایا گیا، واقعے سے متعلق اعلیٰ افسران کو آگاہ کردیا گیا ہے۔
وعمران ریاض اپنی رہائش گاہ چلے گئے, رواں ماہ کی پانچ تاریخ کو سینئر صحافی عمران ریاض خان کو رینجرز اور پولیس نے اسلام آباد ٹول پلازہ سے گرفتار کیا تھا، وکیل نے بتایا کہ عمران ریاض خان کے خلاف اب تک تیس سے زائد جعلی ایف آئی آر درج کی گئیں ان تمام ایف آئی آر کیخلاف اسلام آباد ہائیکورٹ گئےعدالت نے ضمانت دی۔
