لاہور میں اینٹی رائٹ فورس کی خاتون اہلکار سے مبینہ زیادتی کا واقعہ جس کے بعد پولیس نے دونوں سیکیورٹی گارڈز کو گرفتار بھی کرلیا ہے۔
خبررساں ادارے اے آروائی نیوز کی رپورٹ کے مطابق لاہور میں اینٹی رائٹ فورس کی ایک خاتون اہلکار نے2 سیکیورٹی گارڈز پر جنسی زیادتی کرنے کا الزام عائد کرتے ہوئے مقدمہ درج کروایا ہے، جن گارڈز کے خلاف مقدمہ درج کیا گیا ان کی شناخت شاہد اور ضیاء کے ناموں سے ہوئی ہے۔
رپورٹ کے مطابق مختلف فسادات سے نمٹنے کیلئے بنائی گئی فورس کی اہلکار خاتون نے اپنی شکایت میں موقف اپنایا ہے کہ وہ رات کے وقت نشتر اسپورٹس کمپلیکس کے قریب سفر کرتے ہوئے بھٹک گئی تھی جس کے بعد انہوں نے قریب موجود سیکیورٹی گارڈز سے رہنمائی چاہی۔
خاتون نے مطابق گارڈز مجھے راستہ سمجھانے کے بہانے اندھیرے میں لے گئے اور زبردستی کی کوشش کی۔
پولیس نے خاتون کی مدعیت میں مقدمہ درج کرکے خاتون کو میڈیکل کیلئے بھجوادیا ہے ، پولیس نے خاتون کی نشاندہی پر سیکیورٹی گارڈز کو گرفتار کرکے تفتیش بھی شروع کردی ہے۔
