لاہور کے علاقے پیراگون ہاؤسنگ سوسائٹی میں پولیس نے چند گھنٹوں میں ہی قتل کا کیس حل کرتے ہوئے 14 سالہ لڑکے طلحہ کے قاتل کو گرفتار کرلیا۔ پولیس کے مطابق قاتل کی عمر 15 سال اور نام رضا ہے۔
ملزم رضا نے قتل کا اعتراف کرتے ہوئے اپنے بیان میں کہا کہ وہ چاہتا تھا کہ اس کی کزن کی شادی طلحہ سے نہ ہو جائے اس خدشے کے پیش نظر طلحہ کو قتل کر دیا۔ مقتول طلحہ کے والدین اپنے نوجوان بیٹے کے قتل کے باعث شدت غم سے نڈھال ہیں۔
پولیس کے مطابق لاش کو ضابطے کی کارروائی کیلئے اسپتال منتقل کیا اور ملزم کو کچھ ہی دیر میں گرفتار کر لیا گیا ہے۔ حکام کا کہنا ہے کہ ملزم سے مزید تفتیش کی جا رہی ہے تاکہ پتا چلایا جا سکے کہ اس قتل میں اور کون کون اس کے ساتھ ملوث ہے۔
یاد رہے کہ کچھ روز قبل ہڈیارہ کے علاقے میں بھی ایک قتل کا واقعہ پیش آیا تھا اس واقعے میں 14 سالہ ثاقب نامی لڑکے کو قتل کیا گیا تھا۔ جائے وقوعہ سے ملنے والے شواہد کے مطابق لڑکے کو زیادتی کے بعد قتل کر کے لاش کو پنکھے کے ساتھ لٹکایا گیا تھا۔