قومی کرکٹ ٹیم کے مایہ ناز وکٹ کیپر اور بہترین بیٹسمین محمد رضوان کا انگلش کاؤنٹی ٹیم سیسکس کے ساتھ معاہدہ طے پا گیا جس کے رد عمل میں خاتون کھلاڑی نے اظہار مسرت کیا ہے۔
تفصیلات کے مطابق انگلش وویمن کرکٹر سارہ ٹیلر جو خود بھی انگلش کاؤنٹ سسکس کی جانب سے کھیلتی ہیں، رواں سال ٹی ٹوئنٹی کرکٹ میں سب سے زیادہ اسکور کرنے والے محمد رضوان کے کاؤنٹی کے ساتھ معاہدے پر سارہ ٹیلر نے خوشی کا اظہار کیا ہے۔
سوشل میڈیا پر سارہ ٹیلر نے اپنے بیان میں کہا کہ پاکستان کے وکٹ کیپر بیٹر محمد رضوان سے سیکھنے کے لیے انتظار نہیں کر سکتی۔
اس سے قبل برطانوی کاؤنٹی کرکٹ کلب سسکس نے کی جانب سے ٹویٹر پر جاری بیان میں کہا گیا ہے کہ ہمیں یہ بتا کر بہت خوشی محسوس ہو رہی ہے کہ ہم نے پاکستانی وکٹ کیپر بیٹر محمد رضوان کے ساتھ معاہدہ کر لیا ہے۔
اس معاہدے کے حوالے سے خوشی کا اظہار کرتے ہوئے محمد رضوان نے اپنی ٹویٹ میں کہا کہ موقع دینے کے لئے شکریہ، میں 2022ء کے شاندار سیزن کی طرف دیکھ رہا ہوں۔
واضح رہے کہ انگلش کاؤنٹی سسکس نے ٹی ٹوئنٹی کے ایک سال میں 2000 سے زائد رنز بنانے والے پاکستانی وکٹ کیپر بیٹر محمد رضوان کے ساتھ اگلے سیزن کے لیے معاہدہ کیا ہے۔