کیوبا کے سفیر نے امریکی پابندیوں کے باوجود ڈٹے رہنے سے متعلق ٹوئٹ کیا اور اپنے ملک کی معیشت کو پہنچنے والے نقصانات کے اعداوشمار بھی جاری کر دیئے۔
پاکستان میں تعینات کیوبا کے سفیر زینور کیرو نے کہا کہ کیوبا کے خلاف امریکی پابندیوں کی وجہ سے جمع ہونے والے نقصانات 150 بلین امریکی ڈالر سے زیادہ ہیں۔ روزانہ 12 ملین امریکی ڈالر سے زیادہ، ہر ماہ 365 ملین امریکی ڈالر سے زیادہ۔
انہوں نے بتایا کہ پابندیاں ہماری معیشت کو نقصان پہنچاتی ہیں اور ہمارے لوگوں کو نقصان پہنچاتی ہیں، لیکن وہ ہمیں گھٹنوں تک نہیں لا سکتیں۔ ہم نہیں جھکیں گے۔
غیر ملکی سفیر کو اس ٹوئٹ کے بعد پاکستانی عوام نے مکمل حمایت کی یقین دہانی کرائی جس پر انہوں نے دوبارہ کہا کہ کچھ ہی گھنٹوں میں ملنے والے یکجہتی کے زبردست اظہار کے لیے تہہ دل سے مشکور ہوں۔ وقت کی کمی کی وجہ سے میں ہر پیغام کا جواب نہیں دے سکتا، لیکن میں ان سب کی قدر کرتا ہوں۔
انہوں نے یہ بھی کہا کہ میں نے پاکستان کو 16 سال سے اپنے دل میں رکھا ہوا ہے اور میرے پاس ایسا کرنے کی زیادہ سے زیادہ وجوہات ہیں۔
کیوبا کی تاریخ پر دلچسپی رکھنے والے پاکستانیوں کو زینور کیرو نے مشورہ دیا کہ وہ ممتاز ہسپانوی ماہر تعلیم ایناشیو ریمونٹ کی کتاب مائی لائف پڑھیں جس میں انہوں نے فیڈل کاسترو کے ساتھ اپنے گزرے 100 گھنٹوں سے متعلق لکھا ہے۔