وزیراعظم شہباز شریف نے کہا ہے قانون تو سب کیلئے برابر ہوتا ہے، مقبول ہونے کا مطلب قانون سے بالاتر ہونا کیسے ہوگیا؟ عمران خان کو قانون کا سامنا کرنا پڑے گا۔
تفصیلات کے مطابق وزیراعظم شہباز شریف نے اپنے ایک بیان میں سائفر معاملے پر عمران خان اور سابقہ حکومت پر تنقید کرتے ہوئے کہا کہ رنگے ہاتھوں پکڑے جانے والے چور اب اپنی سزا سے بچنے کیلئے ملکی اداروں کو بدنام کرنا چاہتے ہیں، عمران خان کی جانب سےقومی اداروں کے خلاف مہم قابل مذمت ہے۔
انہوں نے مزید کہا کہ عوام میں انتشار پھیلانے کےبعد اب یہ سازشی اداروں میں انتشار پھیلانے کی سازش کررہا ہے، سفارتی سائفر میں ردوبدل کرکے قومی سلامتی سے کھیلنے کی کوشش کی گئی ہے، ان کی آڈیو لیکس نےپاکستان کے مفادات کے خلاف سنگین سازش بے نقاب کردی ہے، ان لوگوں کو پاکستان کے مفادات سے کھیلنے پر قانون کو جواب دینا ہوگا، ان لوگوں کو اب قانون کا سامنا کرنا پڑے گا۔
