موت کی خبروں پر عثمان شنواری کا ردعمل سامنے آگیا

usman-1sh.jpg

پاکستانی کرکٹر عثمان شنواری نے اپنے ہمنام کھلاڑی کے انتقال کےبعد کنفیوژن دور کرنے کیلئےاپنی خیریت سےمتعلق وضاحت دیدی۔

تفصیلات کے مطابق کو آپریٹ ویٹرن لیگ کے میچ کے دوران46 سالہ عثمان شنواری میدان میں فیلڈنگ کے دوران گر کر جاں بحق ہوگئے تھےجس کے بعد ایک جیسےنام ہونےپر لوگ قومی کرکٹر عثمان شنواری سے متعلق پریشانی کا شکار ہوگئے تھے۔

عثمان شنواری نے مائیکروبلاگنگ ویب سائٹ ٹویٹر پر اپنے آفیشل اکاؤنٹ سے ان قیاس آرائیوں پر وضاحت دیتے ہوئے اپنی خیریت سے آگاہ کیا اور کہا کہ اللہ کا شکر ہے میں بالکل ٹھیک ہوں۔

انہوں نے مزید کہا کہ لوگ میرےپورے خاندان کو فون کرکے اس حوالے سے استفسار کررہےہیں، میں بصد احترام اتنا کہنا چاہوں گا کہ اتنی بڑی خبر پھیلانے سے قبل اس کی تصدیق کرلیا کریں۔
 
Sponsored Link