مسلم لیگ ن کے قائد نواز شریف نے پنجاب کی وزارت اعلیٰ ق لیگ کو دینے کی تجویز مسترد کر دی ہے۔
تفصیلات کے مطابق حکومتی اتحادیوں اور اپوزیشن کے درمیان ڈیڈلاک کا شکار ہےاور اسی لیے حکومتی اتحادیوں کی جانب سے بھی فیصلے میں تاخیر ہورہی ہے۔
ذرائع کا کہنا ہے کہ نواز شریف نے پنجاب کی وزارت اعلیٰ ق لیگ کو دینے کی تجویز مسترد کر دی اور مؤقف میں کہا وزیراعظم کو ہٹاکر پنجاب میں تبدیلی آسان ہوگی۔ مریم نواز نے بھی نواز شریف کے مؤقف کی حمایت کی ہے۔
ذرائع نے بتایا ہے کہ آصف زرداری پنجاب کی وزارت اعلیٰ مسلم لیگ ق کو دینے کے حامی تھے انہوں نے متحدہ اپوزیشن پر واضح کیا تھا کہ اتحادی بلاوجہ چھوڑ کر نہیں آئیں گے۔انہوں نے کہا تھا کہ اگر مسلم لیگ ق کو وزارت اعلیٰ نہ ملی تو پی پی عدم اعتماد سے پیچھے ہٹ جائے گی۔
خیال رہے کہ ق لیگ کو اپوزیشن کی جانب سے عدم اعتماد کی کامیابی کے بعد وزارت اعلیٰ کی پیشکش کی گئی تھی ،مسلم لیگ ق نے آصف زرداری سے ن لیگ سے متعلق گارنٹی مانگی تھی اور وہ ن لیگ کی گارنٹی دینے کو تیار ہوگئے تھے۔تاہم بعد میں اس پر ن لیگ ارکان اسمبلی نے تحفظات کا اظہار کیا تھا۔
