وفاقی احتساب بیورو (نیب) نے برطانیہ سے فنڈز کی واپسی کے معاملےپر سابق وزیراعظم عمران خان کی کابینہ ارکان کو نوٹسز جاری کردیے ہیں۔
تفصیلات کے مطابق نیب نے نیب نے سابق دور حکومت کے وفاقی وزرا کو برطانیہ سے فنڈز کی واپسی کے معاملے پر نوٹس جاری کرتے ہوئے تمام افراد کو بطور گواہ پیش ہونے اور اپنا بیان ریکارڈ کروانے کیلئے طلب کرلیا ہے۔
ذرائع کا کہنا ہے کہ ان شخصیات کے بیانات ریکارڈہونے کے بعد پی ٹی آئی چیئرمین عمران خان کو سمن جاری کئے جائیں گے۔
نیب نے سابق وفاقی وزراء غلام سرور خان اور مراد سعید کو 11 اکتوبر ،پرویز خٹک کو 12 اکتوبر دن دو بجے ،سابق وفاقی وزیر مراد سعید کو 11 اکتوبر دن دو بجے، سابق وفاقی وزیر شفقت محمود اور شیریں مزاری کو 14 اکتوبر کو طلب کرلیا ہے۔
اسی طرح نیب نے حماد اظہر کو 11 اکتوبر دن 2 بجے، زبیدہ جلال کو صبح 11 بجے طلب کیا ، خالد مقبول صدیقی اور اعجاز احمد شاہ کو 17 اکتوبر کو، شیخ رشید احمد اور فود چوہدری کو 24 اکتوبر جبکہ صاحب زادہ محبوب سلطان اور فیصل واوڈا کو 25 اکتوبر، اوراحمد علی ریاض ملک کو 12 اکتوبر کو طلب کرلیا۔
نیب نے علی امین گنڈا پور اور ڈاکٹر فروغ نسیم کو 18 اکتوبر ، سابق وفاقی وزیر علی زیدی اور خسرو بختیار کو 19 اکتوبر ،اعظم سواتی اور اسد عمر کو 20 اکتوبر جبکہ عمر ایو ب خان اور محمد میاں سومرو کو 21 اکتوبر کو پیش ہونے کا حکم دیا ہے۔