نیوزی لینڈ ،انگلینڈ کے دورے کینسل ہونے کی وجہ "ابسلیوٹلی ناٹ"؟

abdii11231.jpg


وزیراطلاعات فواد چوہدری کا کہنا ہے کہ نیوزی لینڈ اور انگلینڈ کے دورے کینسل ہونے کی وجہ ’ابسلیوٹلی ناٹ‘ ہے۔

انھوں نے کہا نیوزی لینڈ اور انگلینڈ سے کرکٹ سیریز ملتوی ہونے سے پی ٹی وی کو 25 کروڑ کا نقصان ہوا، تاہم ہم کرکٹ سیریز ملتوی ہونے پر سخت کارروائی کریں گے۔

سوشل میڈیا صارفین کی اکثریت بھی فوادچوہدری جیسی رائے رکھتی ہے، ان کا کہنا ہے کہ پاکستان نے ابسلیوٹلی ناٹ کی قیمت ادا کی ہے۔سوشل میڈیا پر گزشتہ روز سے #PriceOfAbsolutelyNot ٹاپ ٹرینڈ کررہا ہے جس میں سوشل میڈیا صارفین بڑھ چڑھ کر حصہ لے رہے ہیں۔

خیال رہے کہ کچھ عرصہ قبل ایک امریکی چینل پر انٹرویو دیتے ہوئے امریکی صحافی نے سوال کیا تھا کہ اگر امریکہ افغانستان پر نگرانی رکھنے کیلئے اڈے مانگے گا تو آپ اڈے دیں گے جس پر وزیراعظم عمران خان نے کہا تھا کہ ابسلیوٹلی ناٹ (بالکل بھی نہیں)۔


وزیراعظم عمران خان کا یہ جملہ ابسلیوٹلی ناٹ پاکستان بھر سمیت دنیا بھر میں توجہ کا مرکز بن گیا۔پاکستان میں اسے بھرپور پذیرائی ملی لیکن کچھ تجزیہ کاروں کا کہنا تھا کہ وزیراعظم عمران خان کا یہ جواب آنیوالے دنوں میں پاکستان کے لئے کئی مسائل کھڑے گا۔


سوشل میڈیا صارفین کا کہنا تھا کہ عمران خان نے یہ الفاظ استعمال کرکے دنیا کو اپنا مخالف بنالیا ہے۔ اس ایک جملے ابسولیٹلی ناٹ کی وجہ سے برطانیہ، امریکہ، فرانس، نیوزی لینڈ پاکستان کے خلاف ایک پیج پر ہیں۔




سوشل میڈیا صارفین کا کہنا تھا کہ آزاد خارجہ پالیسی (ابسولیٹلی ناٹ) کا رد عمل آنا فطری ہے افغانستان میں 20 سال جوتے کھانے کے بعد کرکٹ اب نو آبادیاتی انگلینڈ و نیوزی لینڈ کی عزت نہیں بچا سکتی۔


سوشل میڈیا صارفین نے یہ سوال بھی اٹھایا کہ برطانوی ہائی کمشنر کہتا ہے کہ انگلینڈ نے دورہ پاکستان سیکیورٹی خدشات کی وجہ سے منسوخ نہیں کیا، نیوزی لینڈ نے کہا کہ ہمیں تھریٹ الرٹ ہے لیکن تفصیلات دینے سے انکاری ہے جس سے یہ ظاہرہوتا ہے کہ دال میں کچھ کالا ہے۔




سوشل میڈیا صارفین کا کہنا تھا کہ اس موقع پر ہمیں تمام اختلافات بالائے طاق رکھ کر عمران خان کا ساتھ دینا چاہئے۔


 
Advertisement

miafridi

Prime Minister (20k+ posts)
Dignity has a price, but it's a great thing to have.

No feeling can match the feeling of having dignity.
 
Sponsored Link