مسلم لیگ ن نے مولانا فضل الرحمان سے کیے گئے ایک اور وعدے سے یوٹرن لے لیا، جس کے بعد جے یو آئی ف گورنر خیبر پختونخوا کے عہدے سے بھی ہاتھ دھو بیٹھی ہے۔
خبررساں ادار ے کی رپورٹ کے مطابق وفاق میں حکمران جماعت مسلم لیگ ن نے جمیعت علمائے اسلام ف سے خیبر پختونخوا کی گورنر شپ دینے سے معذرت کرتے ہوئے یہ عہدہ اپنے پاس رکھنے کا فیصلہ کرلیا ہے۔
ذرائع کا کہنا ہے کہ گورنر کے پی کے عہدے کیلئے پیپلزپارٹی اور جے یوآئی ف دونوں دلچسپی رکھتی ہیں، جے یو آئی کو انکار کرکے ن لیگ کی جانب سے یہ عہدہ اپنے پاس رکھنے کے فیصلے پر پیپلزپارٹی کی جانب سے بھی تحفظات سامنے آئے ہیں۔
پیپلزپارٹی نے اس عہدے کیلئے جے یو آئی ف کے بجائے سیکنڈ آپشن کے طور پر اے این پی کا نام بھی تجویز کیا تھا۔
ن لیگ نے پیپلزپارٹی کو آئینی عہدے ملنے اور جے یو آئی ف کو وفاق میں وزارتیں ڈپٹی اسپیکر شپ ملنے پر گورنر خیبر پختونخوا کا عہدہ دینے سے معذرت کی۔