بھارتی دارالحکومت نئی دہلی میں قائم پاکستان ہائی کمیشن نے 1947 میں خاندان سے بچھڑ جانیوالے سکہ خان کو ویزہ جاری کردیا۔
تفصیلات کے مطابق پاکستانی ہائی کمیشن کے مطابق سکہ خان کوپاکستان میں اپنے بھائی محمد صدیق سے ملنے کیلیے ویزا جاری کیا گیا ہے دونوں بھائی 74 سال بعد کرتار پور صاحب راہداری پر دوبارہ ملے تھے ۔
اس ضمن میں پاکستانی ہائی کمیشن کی جانب سے اعلامیہ بھی جاری کر دیا ہے، اعلامیے کے مطابق سکہ خان کو پاکستان میں اپنے بھائی محمد صدیق سے ملنے کیلئے ویزہ جاری کردیا گیا۔
پاکستانی ہائی کمیشن کا کہنا ہے کہ سکہ خان کو اپنے خاندان کے دیگر افراد سے ملنے کیلئے ویزا جاری کیا گیا۔ دونوں بھائی 74 سال بعد کرتار پور صاحب راہداری پر دوبارہ ملے تھے۔
پاکستان نے نومبر 2019ء میں ویزا فری کرتارپور راہداری کا افتتاح کیا تھا۔
پاکستان ہائی کمیشن نے اپنی ٹویٹ میں کہا کہ دونوں بھائیوں کی کرتارپور راہداری پر ملاقات اس بات کا ثبوت ہے کہ یہ راہداری لوگوں کو ایک دوسرے کے قریب لانے میں اہم کردار ادا کر رہی ہے۔
سکہ خان اپنی والدہ کے ساتھ انڈیا میں رہ گئے تھےجبکہ ان کے والد، بڑا بھائی صدیق اور بہن پاکستان آگئے تھے۔ انڈیا میں سکہ خان کی والدہ کی وفات کے بعد ان کے ایک رشتہ دار نے ان کی پرورش کی ہے۔
دونوں بھائیوں کی دہائیوں بعد ہونے والی ملاقات میں رقت آمیز مناظر دیکھنے میں آئے تھے۔