پاکستان کے ہاتھوں بدترین شکست، بھارتی اداکار نے معافی مانگ لی

6krk.jpg

ٹی20 ورلڈ کپ میں بھارت کو شکست دینے کے بعد مشہور بھارتی اداکار نے پاکستانی ٹیم سے معافی مانگ لی ہے۔

خبررساں ادارے کی رپورٹ کے مطابق مشہور بھارتی اداکار کمال راشد خان نے بھارتی ٹیم کو شکست دینے والی پاکستانی ٹیم سے میچ سے قبل کیے گئے اپنے تجزیے پر معافی مانگ لی ہے۔ گزشتہ روز میچ سے قبل کمال راشد خان نے پاکستانی ٹیم کا ایک گلی کی ٹیم سے موازنہ کیا تھا جس پر انہوں نے معافی مانگی ہے۔

مائیکروبلاگنگ ویب سائٹ ٹویٹر پر اپنے بیان میں کمال راشد خان نے کہا کہ آج میں نے 5،6 سالوں کے بعد پاکستانی کرکٹ ٹیم کو کھیلتے ہوئے دیکھا اسی لیے مجھے علم نہیں تھا کہ پاکستان کی ٹیم اتنی بہترین کارکردگی کا مظاہرہ کرسکتی ہے۔

https://twitter.com/x/status/1452328955457916928
انہوں نے کہا کہ میں پاکستانی ٹیم کے گلی کی ٹیم سے موازنے سے متعلق اپنے بیان پر شرمندہ ہوں اور معافی چاہتا ہوں۔

بھارتی اداکار نے بالی ووڈ ایکشن ہیرو اکشے کمار کی دوران میچ اسٹیڈیم میں موجودگی کو بھی بھارتی ٹیم کی ہار کی وجہ قرار دیتے ہوئے کہا کہ بڑے بھائی اکشے جی آپ میچ دیکھنے کیوں گئے تھے، آپ اور ویرات کوہلی کی منفی سوچوں کی وجہ سے پاکستان نے ہمیں 10 وکٹوں سے شکست دی۔

https://twitter.com/x/status/1452332529638387729
انہوں نے مزید کہا کہ مجھے علم نہیں تھا کہ پاکستانی کپتان بابراعظم آئی سی سی ٹی 20 رینک میں دوسرے نمبر کے بہترین کھلاڑی ہیں، یعنی بابراعظم بھارتی کپتان ویرات کوہلی سے بھی بڑے کھلاڑی ہیں یہ میرے لیے ناقابل یقین ہے، 21 سالہ شاہین شاہ آفریدی ایک خطرناک بولر ہیں۔

https://twitter.com/x/status/1452330851354640385