پی سی بی کےنامناسب رویے پر سابق فاسٹ باؤلر عمر گل پھٹ پڑے

7.jpg

بلوچستان ٹیم کے اسسٹنٹ کوچ کی تقرری پر سابق فاسٹ بولر عمر گل کا شدید ردعمل سامنے آگیا، عمر گل نے بلوچستان ٹیم کے اسسٹنٹ کوچ کی تقرری پر پاکستان کرکٹ بورڈ (پی سی بی) کا رویہ غیر اخلاقی قرار دے دیا۔

تفصیلات کے مطابق اسسٹنٹ کوچ کی تقرری کے معاملے پر عمر گل نے اپنے ٹوئٹر پر بلوچستان کے اسسٹنٹ کوچ کے لیے ساری کارروائی مکمل کرنے کے بعد گرانٹ بریڈ برن نے یقین دہانی کروائی تھی کہ میرے نام کی سفارش کی گئی ہے۔

https://twitter.com/x/status/1439834714739728385
سابق فاسٹ بولر نے مزید کہا کہ وہ بلوچستان ٹیم کا اسسٹنٹ کوچ بننے کے لیے ایک ہفتے تک انتظار کرتا رہا لیکن کوئی جواب موصول نہیں ہوا۔

https://twitter.com/x/status/1439855829432287238
عمر گل نے پی سی بی کے رویے کو غیر اخلاقی قرار دیتے ہوئے کہا کہ بعد ازاں بغیر کسی اطلاع فیصلہ کرلیا گیا اور اسسٹنٹ کوچ کے لئے راج ہنس کو ترجیح دی گئی۔ عمر گل نے چیئرمین پی سی بی رمیز راجہ کو مخاطب کرتے ہوئے کہا کہ نجانے کب معاملات میں تبدیلی آئے گی۔

انہوں نے مزید کہا کہ مجھے نوکری کی ضرورت نہیں صرف سسٹم اور کرکٹرز کی مدد کرنا چاہتا ہوں، پاکستان کے لیے فخر کے ساتھ کھیلا ہوں اور کوچنگ بھی وقار کے ساتھ کروں گا۔