سینئر تجزیہ کاراطہر کاظمی نے کہا ہے کہ عمران خان جب بھی کوئی بیان دیتے ہیں کچھ لوگ ان کے بیانات کی مرضی کی تشریح کرنا چاہتے ہیں۔
جیو نیوز کے پروگرام رپورٹ کارڈ میں خصوصی گفتگو کرتے ہوئے اطہر کاظمی نے کہا کہ ماضی میں جو سزائیں ہوئی ہیں وہ مختلف کیسز تھے، عمران خان کا معاملہ ایک مختلف کیس ہے، چیف جسٹس اطہر من اللہ نے آج ایک کیس کی سماعت کے دوران شہباز گل پر تشدد سے متعلق ریمارکس دیتے ہوئے کہا کہ پولیس کا نظام بالکل تباہ ہوچکا ہے، چیف جسٹس اطہرمن اللہ نے اتنی سخت بات کی۔
اطہر من اللہ نے کہا کہ شہباز گل پر تشدد کے الزامات اور ان کی ویڈیوز جب عمران خان تک پہنچی ہوں گی تو ان کی طرف سےسخت ردعمل آنا ہی تھا، اس پر عمران خان نے وضاحت بھی دی اور کہا کہ میرا قطعیٰ ایسا مطب نہیں تھا، یہاں ایک لیڈر نے کہا کہ ملک کی اعلی عدالت بینچ فکسنگ کرتی ہے اس پرتو کسی اعتراض نہیں ہوا۔
تجزیہ کار نے کہا کہ عدالیہ کے حوالے سے بیانات کی ایک پوری تفصیل ہے، ماضی میں بھی بیانات آتے رہےاور آج بھی آرہے ہیں، اصل مسئلہ یہ ہے کہ جب عمران خان کوئی بیان دیتا ہے تو اس کامطلب وہ نکلتا ہو یا نا ہو کچھ سیاسی لوگوں کی خواہش ہوتی ہےکہ اس کی اپنی مرضی سے تشریح کی جائے، چاہےعمران خان کہے کہ فوج کے بغیر یہ ملک نہیں چل سکتا مگر حکومت بار بار یہ کہتی ہے کہ عمران خان اداروں پر حملہ آور ہورہے ہیں یا فوج مخالف بیانیہ لے کر چل رہے ہیں۔
