ماہرین فلکیات کا کہنا ہے 12 مئی کو چاند نظرآنے کا امکان نہیں تھا کل نظر آنے والا چاند پہلی کا چاند تھا ۔
ماہر فلکیات ڈاکٹر شاہد قریشی کا کہنا ہے 12مئی کو چاند نظر آنے کا امکان نہیں تھا، اس دن ٹیلی اسکوپ سے بھی چاند نظر آنے کا امکان نہیں تھا، کل نظر آنے والا چاند پہلی کا چاند تھا عام دنوں میں لوگ 29اور 30 کا چاند دیکھتے ہی نہیں ہیں اس لئے دونوں چاند میں فرق نہیں کر پاتے۔
انہوں نے کہاکہ اکثر 30 کا چاند بھی زیادہ بڑا اور روشن ہوتا ہے، جسے دیکھ کر لوگ سمجھتے ہیں کہ یہ دوسرے دن کا چاند ہے۔
ڈائریکٹر اسپیس سائنس اینڈ ٹیکنا لوجی جامعہ کراچی ڈاکٹر جاوید نے بھی 12 مئی کو چاند نظرآنے کے امکان کی تردید کی ہے ، ان کا کہنا ہے دائرہ نگاہ یعنی ہرائزن پر یہ چاند 6 اعشاریہ 5 ڈگری پر تھا، 12 مئی کو پشاور میں بالکل بھی چاند نظرآنے کا امکان نہیں تھا۔
جاوید اقبال نے کہا ہے کہ 12 مئی کو ٹیلی اسکوپ سے بھی چاند دیکھنا نہ ممکن تھا۔
گزشتہ روز نظر آنے والا چاند پہلی کا تھا، ماہرین فلکیات
ماہرین فلکیات کا کہنا ہے 12 مئی کو چاند نظرآنے کا امکان نہیں تھا کل نظر آنے والا چاند پہلی کا چاند تھا ۔
jang.com.pk
Impossible to have seen Eid moon on May 12 even with telescope: astronomer
KU space, science and technology head says astronomically Shawwal moon could not have been sighted on night of May 12
www.thenews.com.pk