وزیراعلیٰ پنجاب کے فوکل پرسن برائے ڈیجیٹل میڈیا اسٹریٹیجی اظہر مشوانی نے پاکستانی میڈیا کے کردار کو ہدف تنقید بنا کر بتایا کہ گزشتہ 24 گھنٹوں میں میڈیا نے کونسا تعمیری کردار نبھایا ہے۔
اظہر مشوانی نے سماجی رابطے کی ویب سائٹ ٹوئٹر پر لکھا کہ پاکستانی میڈیا نے پچھلے 24 گھنٹوں کے دوران یہ 3 کام کیے ہیں۔
ایک سینئر صحافی نے ایف اے ٹی ایف سے متعلق بھارتی پروپیگنڈا پروموٹ کیا۔ ان کا اشارہ عاصمہ شیرازی کی طرف تھاجنہوں نے پاکستان کے ایف اے ٹی ایف کی بلیک لسٹ میں جانے سے متعلق ایک بھارتی تھنک ٹینک کا لنک شیئر کیا تھا اور حکومت پر تنقید کرتے ہوئے کہا تھا پاکستان بلیک لسٹ میں جا رہا ہے اس کا زمہ دار کون ہو گا؟
واضح رہے کہ بین الاقوامی شہرت یافتہ صحافی مائیکل کگل مین جو پاکستانیوں پالیسیوں کے ناقد بھی ہیں نے بھارتی پراپیگنڈے کو جھوٹ قرار دیا اور کہا کہ پاکستان کے بلیک لسٹ میں جانے کا کوئی چانس نہیں۔
اظہر نے میڈیا کے دوسرے کارنامے کو ہائی لائٹ کرتے ہوئے کہا کہ جیو نیوز اور ڈان نیوز نے ترجمان وزارت خزانہ مزمل اسلم سے منسوب جعلی ٹوئٹس کو خبروں کے طور پر پیش کیا۔ واضح رہے کی مزمل اسلم نےگزشتہ روز اپنے نام سے منسوب جعلی اکاؤنٹ کی نشاندہی کر دی تھی مگر اس کے باوجود ڈان نیوز پیپر نے آج کے اخبار جعلی ٹوئٹ پر خبر چھاپ دی۔
انہوں نے کہا کہ اگرآپ ان سے سوال کریں گے تو آپ کو پیسے لیکر ٹرول کرنے والوں میں شمار کیا جائے گا، کیونکہ صحافت کیا ہوتی ہے یہ ان کو کسی سے سیکھنے کی ضرورت نہیں ہے۔