حمزہ شہباز کی بطور وزیراعلیٰ حلف برداری کی تقریب بھی متنازع بن گئی، گورنر پنجاب عرم سرفراز چیمہ کہتے ہیں کہ بطور گورنر کسی غیر آئینی جعلی وزیراعلی کی تقرری کے نوٹیفیکیشن کی اجازت نہیں دے رہا۔
انہوں نے ٹویٹ کہا کہ جیسے بدمعاشی اور جعلسازی سے حلف کا ڈرامہ رچایا اب اس کا جعلی نوٹیفکیشن تیار کرنے کی کوشش کی گئی ہے۔
گورنر ہاؤس میں جاری غنڈہ گردی اور اس کو یرغمال بنانے پر چیف جسٹس آف پاکستان سے استدعا ہے کہ فوری نوٹس لیں،غیر آئینی طریقے سے ایک جعلی وزیراعلی کے حلف کا ڈرامہ رچایا جا رہا ہے۔
گورنرپنجاب عمر سرفراز چیمہ کا کہنا ہے کہ انتظامیہ کو مسلسل وارننگ دی کہ اگر فوری طور پر گورنر ہاؤس خالی نہیں کرتے تو نتائج کے ذمہ دار چیف سیکرٹری اور آئی جی پنجاب ہونگے۔
حمزہ شہباز آخر کار وزیراعلیٰ کا حلف اٹھا لیا ہے،عدالتی حکم پر اسپیکر قومی اسمبلی راجا پرویزاشرف نے حلف لیا، اسپیکر قومی اسمبلی کو وزیراعلیٰ سے حلف لینے کا حکم چیلنج کردیا گیا ہے، لاہور ہائی کورٹ کے دو رکنی بینچ کی اپیل پر سماعت ہوئی۔
لارجربینچ کی تشکیل کیلئے فائل چیف جسٹس کوبھجوادی گئی،وکیل نے پانچ رکنی بینچ کی تشکیل کی استدعا کی،پی ٹی آئی کے سترہ ارکان نے لاہورہائی کورٹ میں اپیل دائرکی تھی۔
وزیراعلیٰ حمزہ شہباز نے کہا کہ وزیراعلیٰ کاعہدہ عوام کی حقیقی خدمت کیلئےوقف رہےگا، وزارت اعلیٰ کو منصب نہیں سمجھتا،عہدے کوعوام کی فلاح کیلئےاستعمال کروں گا،عوام کے مسائل کا پورا احساس ہے۔