یواین جنرل اسمبلی، پاکستان کی پیش کردہ قرارداد بھاری اکثریت سے منظور

3UNpaki.jpg

اقوام متحدہ کی جنرل اسمبلی نے پاکستان اور فلپائن کی کی جانب سے مشترکہ طور پر پیش کی گئی بین المذاہب اور بین الثقافتی مذاکرات کے فروغ سے متعلق قرارداد کو بھاری اکثریت سے منظور کرلیا۔

اقوام متحدہ میں پاکستان کے مستقل مندوب منیراکرم کی جانب سے دی گئی تفصیلات کے مطابق فلپائن کے اشتراک سے پیش کی گئی یہ قرارداد بین المذاہب ہم آہنگی، رواداری، ایک دوسرے کے مذاہب اور اقدار کے لیے احترام اور پُرامن بقائے باہمی کے فروغ کیلئے پاکستان کی عالمی کوششوں کا حصہ ہے۔

https://twitter.com/x/status/1469041219443511306
پاکستان کو ملنے والی اس بڑی کامیابی پر پاکستان کے مستقل مندوب نے ٹوئٹ کرتے ہوئے کہا کہ قرارداد کی منظوری اطمینان کا باعث ہے، وزیراعظم نے اسلاموفوبیا، عدم رواداری کے خطرے سے بارہا دنیا کو متنبہ کیا ہے، اسلامو فوبیا کےخلاف اقدامات یقینی بنانے کی ضرورت ہے۔

https://twitter.com/x/status/1469082780621549568
اقوام متحدہ میں تعینات پاکستان کے نائب مندوب محمد عامر خان نے کہا اس قرارداد کا یہ مطلب ہے کہ پاکستان ایک کثیر الثقافتی اور کثیر النسلی معاشرہ ہے، کسی شہری کے مذہب، ذات یا عقیدے کا ریاست کے کاروبار سے تعلق نہیں، پاکستان احترام اور بین المذاہب رواداری کی بنیاد پر تعلقات استوار کرنا چاہتا ہے۔