نجکاری۔۔ ایک طائرانہ نگاہ

Musafir99

Politcal Worker (100+ posts)
سنہ ۱۹۸۰ کی دہائی سے ریاستی اداروں کی نجکاری کا عمل دنیا میں منظرِ عام پر آیا۔ اس سے قبل، امریکہ اور مغربی یورپ جیسے ترقّی یافتہ ممالک میں بینک، اسپتال، صنعت، حتّیٰ کہ ڈیم اور سڑک بنانے کے کاموں کو بھی قومی اداروں کے سپرد کر رکھا تھا۔ لیکن اس سب کا آخر کار اثر یہ آتا تھا کہ سرکاری ملازم کسی بھی کام میں پیسے کی بچت اور منافع بخشی کے پہلو کو نظر انداز کر جاتے تھے، کیونکہ یہ ان کی نوکری پر کچھ اثر نہ ڈالتا تھا۔ اگر ادارہ منافع بخش نہیں بھی ہے تو سرکاری ملازم کو اس کی تنخواہ بمع مراعات اسی طرح حاصل رہتی تھیں۔ لہٰذا اِن اداروں اور کاموں میں نہ صرف بے تحاشہ پیسہ خرچ ہوتا تھا، بلکہ ان سے منافع بھی بہت کم اور واجبی ہوا کرتا تھا۔ اس کے نتیجے میں حکومت کو عوام پر ٹیکس بڑھانا پڑتے تھے اور لوگوں کی حالت زار میں خاطر خواہ کوئی بہتری نظر نہیں آتی تھی۔

اس کے برعکس، سنہ ۱۹۸۰ کی دہائی میں ان اداروں کی نجکاری کا عمل سامنے آیا اور دس سال کے قلیل عرصے میں بین الاقوامی سطح پر اس وقت کے ایک سو پچّاسی ارب ڈالر کے اثاثے نجکاری میں دیئے گئے۔ صرف انگلستان میں بارہ بجلی کی کمپنیوں کی نجکاری سے دس ارب ڈالر کمائے گئے اور دوسری طرف نیوزی لینڈ نے اپنے سات قومی ادارے، جن میں وہاں کی ٹیلی کام کمپنی اور پرنٹنگ آفس بھی شامل تھا، تین ارب ڈالر سے زائد کی رقم کے عوض پرائیویٹ سیکٹر کو دے دیں۔

ترقیّ یافتہ ممالک کی دیکھا دیکھی، تیسری دنیا کے ممالک نے بھی ان کی تقلید شروع کر دی۔ لیکن وہاں پر نجکاری کے عمل کا مقصد زیادہ ترقرض اتارنے کے لیئے رقم کی فراہمی ہوا کرتا تھا۔ ان میں ارجنٹائن اور میکسیکو میں قومی ائیرلائن، قومی ٹیلی کام اور قومی آئل کمپنیوں کی نجکاری کر دی گئی۔ اس طرح کی نجکاری کے ثمرات بعد از یہ حاصل ہوئے کے پرائیوٹ کمپنیوں نے اپنی اجارہ داری قائم کر لی اور اس سے ملک میں قحطان کی صورت حال میں اضافہ سامنے آیا۔

لہٰذا، یہ بات تو سامنے آگئی کہ نجکاری ہر مسئلے کا حل نہیں۔ دوسری جانب اداروں کو قومیانہ بھی اتنا ہی خطرناک ہوسکتا ہے۔

اس کی زیادہ اچھی مثال چین میں دیکھی گئی جہاں شنگھائی کی اسٹاک مارکیٹ، جس میں نجی ادارے کارفرما ہیں، بہ نسبت بیجنگ کی اسٹاک مرکیٹ جو کہ مکمّل طور پر سرکاری کنٹرول میں ہے، سے بہت بہتر کارکردگی دکھاتی آئی ہے۔ اسی طرح پوری دنیا میں قومی بینکوں کی کارکردگی اور ان کے تقابل میں نجی بینکوں کی کارکردگی ہمیشہ سے بہتر رہی ہے۔

ایک حالیہ سروے کے مطابق، سنہ ۲۰۰۷ سے لے کر سنہ ۲۰۱۵ تک پوری دنیا کے قومی اداروں کے اثاثے ۳۳ فیصد سے لے کر ۳۷ فیصد تک کم ہوئے ہیں۔ جس کی وجہ نفع کی کمی بتائی جاتی ہے۔

دوسری طرف امریکہ میں ۱۹۹۰ کی دہائی میں یہ دیکھا گیا کہ جن اسکول، ہسپتال اور جیل وغیرہ جیسے اداروں کی نجکاری کی گئی، وہاں صورتحال پہلے سے ابتر ہو گئی۔

اس سے یہ نتیجہ اخذ کرنا آسان ہوگیا کہ جہاں نجی کمپنی کے مالکان اور ملازمین کے مفادات صرف اور صرف منافع سے منسلک ہوں، ان اداروں میں ہمیشہ وہ اچھی کارکردگی دکھاتے ہیں، جبکہ جہاں مفادات عامّہ کی بات آتی ہے، وہاں پر ان کی کارکردگی بہت بگڑ جاتی ہے۔ ایک غریب کو تعلیم دینا، ایک غریب کو صحت کی بہترین سہولیات فراہم کرنا اور ایک قیدی کو اچھا انسان بنانے کے کام میں نجی کمپنیوں اور ان کے ملازمین کا کوئی فائدہ نہیں ہوتا، لہٰذا وہ ہمیشہ ایسے ان اداروں کو چلاتے ہیں جس کی وجہ سے انھیں زیادہ سے زیادہ منافع حاصل ہونے کے امکانات ہوں۔ اسلیئے غریب لوگ تعلیم اور صحت جیسی بنیادی سہولیات بلکہ حقوق سے محروم رہ جاتے ہیں۔ بلکہ امریکہ کی ایک ریاست میں جہاں ٹریفک پولیس کے محکمے کو نجی مینجمنٹ کے تحت دے دیا گیا وہاں لوگ دو ہفتوں میں چلّا اٹھے کہ ان کی گلی میں کھڑی گاڑیوں کے بھی چالان کاٹ لیئے گئے تھے۔

ان سب اسباق کے پیشِ نظر، سنہ ۲۰۰۰ اور اس کے بعد نجکاری کے عمل کو مزید بہتر بنایا گیا اور بہتر پالیسیاں سامنے آئیں۔
ان میں سرِ فہرست عمل یہ تھا کہ کسی بھی ادارے کو مکمّل طور پر نجی کمپنی کے حوالے نہیں کیا گیا، بلکہ حکومت اپنے کچھ حِصص ان اداروں میں باقی رکھتی تھی۔ اس میں نجی اداروں کو صرف ان اداروں کے آپریشن حوالے کیئے جاتے تھے، تاکہ ان اداروں میں بے جاہ بھرتیاں، بے جاہ مراعات اور بے جاہ سرگرمی میں قومی دولت نہ لٹائی جائے، جبکہ حکومت ادارے کے اسٹریٹجک معاملات پر فیصلہ لینے کی مجاز ہوتی تھی، تاکہ مفادِ عامّہ کے پہلو کو منافع کی حِرص میں کوئی نجی کمپنی نقصان نہ پہنچانے پائے۔

یہ ماڈل اتنا کامیاب رہا کہ سنہ ۲۰۰۰ سے لے کر سنہ ۲۰۱۲ کے عرصے میں قریباً ۵۰۰ ارب ڈالر سے زائد کے قومی اثاثے دنیا میں پرائیوٹائز کیئے گئے۔ جبکہ ان اداروں کی کارکردگی میں سنہ ۲۰۰۸ سے لے کر سنہ ۲۰۱۸ تک ۳۰ سے ۵۰ فیصد تک بہتری ریکارڈ کی گئی۔

اس بین الاقوامی جائزے سے تین باتیں واضع ہوئیں:

۔۔ نجکاری کے عمل کے لیئے ضروری ہے کہ ایسے اداروں کی نجکاری کی جائے جو منافع کمانے کے مقاصد کے لیئے قیام عمل میں لائے گئے۔

۔۔ نجکاری کے ثمرات ایسے اداروں میں تب زیادہ بہتر ہوتے ہیں جب کاروباری سطح پر مقابلے کا ماحول ہو، تاکہ نجی کمپنی مناففع کی غرض سے اپنی اجارہ داری قائم نہ کرے۔

۔۔ نجکاری کے عمل میں نجی کمپنی کو راہ راست پر رکھنے کے لیئے حکومت اپنے حصص کاروبار میں رکھے، دیگر ازیں، حکومت پالیسی اور اسٹریٹجک معاملات میں اپنے فیصلہ کن حقوق محفوظ رکھے، تاکہ مفاد عامہّ اور نفع بخشی کے معاملات میں اعتدال برقرار رکھا جا سکے۔


پاکستان میں نجکاری کی تاریخ

پاکستان میں نجکاری کا عمل جنرل ضیاءالحق کے دور میں شروع ہوا، جو کہ بنیادی طور پر ذولفقار علی بھٹو کے قومیانے کے فارمولے کے برعکس تھا۔ اس عمل میں اوّلین ترجیح اس بات پر تھی کہ جن لوگوں سے اثاثے لے کر قومیائے گئے ہیں ان لوگوں کو ان کے اثاثے واپس کیئے جائیں۔ اس طرح کی نجکاری میں اداروں کے نفع، مفادِ عامّہ اور اسٹریٹجک عوامل کو بالائے طاق رکھ دیا گیا اور اکثر جگہوں پر انتہائی غیر شفّاف طریقے سے ادارے ان کے مالکان کو واپس دیئے گئے۔ اسمیں اتفاق فاوٗنڈری بھی شامل ہے۔ یہ عمل پاکستان میں ۱۹۷۸ سے لے کر ۱۹۸۸ تک چلتا رہا۔

اس کے بعد سنہ ۱۹۸۸ میں جب بینظیر بھٹو اقتدار میں آئیں تو انھوں نے اپنی پرائیوٹائزیشن کی ٹھریک چلائی جس کا بنیادی مقصد قومی اداروں میں چھوٹے سرمایہ کاروں کے لیئے جگہہ بنانا تھا۔ اس ضمن میں انھوں نے پاکستان انٹرنیشنل ائیرلائنز کے دس فیصد حصص نیلام کردیئے۔ چونکہ یہ حکومت اپنی مدّت سے پہلے گھر بھیج دی گئی، لہٰذا بعد از اس پر مزید کام نہ ہوسکا۔

اس کے بعد نواز شریف کے دورِ اقتدار میں سنہ ۱۹۹۱ میں ایک باقاعدہ پرائیوٹائزیشن کمیشن کا قیام عمل میں لایا گیا۔ اس کا بنیادی ایجنڈا نجکاری سے حاصل شدہ رقم سے قرضہ اتارنا تھا۔ ان کی پالیسی کے تحت نجکاری سے حاصل شدہ رقم کا ۹۰ فیصد قرض اتارنے کے لیئے اور صرف ۱۰ فیصد عوامی فلاح کے کاموں کے لیئے مختص کیا گیا۔ اس عمل کا خاصہّ تھا گولڈن ہینڈشیک اسکیم۔ بہرحال، یہاں بھی اداروں کی کارکردگی، مفاد عامّہ اور اسٹریٹجک مندرجات کو بالائے طاق رکھ دیا گیا۔
سنہ ۱۹۹۲ تک، یعنی صرف ایک سال کی قلیل مدّت میں سینتالیس یونٹ پراوئیٹا ئز کردیئے گئے۔ ساتھ ہی دو بڑے بینک بھی فروخت کر دیئے گئے جن میں سے ایک الائیڈ بینک بھی تھا۔ اس بینک کو اس کے ملازمین کے ہاتھوں بیچ دیا گیا اور اس کے حالات بعد از اس قدر خراب ہوگئے کہ اسٹیٹ بینک نے اسے واپس لے کر دوبارہ سے ٹھیک کیا اور پھر بہتر طور پر سنہ ۲۰۰۴ میں پرائیوٹائز کیا۔ ابھی تک یہ ٹھیک چل رہا ہے۔

اس کے بعد بینظیر بھٹو کا دوسرا دورِ اقتدار شروع ہوتا ہے جس میں صرف اداروں کو پرائیوٹائز کرنا ان کی ترجیح تھی۔ اس عمل میں نفع بخش کوٹ ادّو پاور پلانٹ (کیپکو) اور پی ٹی سی ایل بھی شامل تھے۔ کیپکو اس وقت کا سب سے بڑا گیس سے بجلی بنانے والا ادارہ تھا جبکہ اس کے مقابلے میں باقی ادارے فرنس آئل سے بجلی بناتے تھے۔ کیپکو کی پرائیوٹائزیشن کے بعد واپڈا کو ان سے دگنے داموں بجلی خریدنی پڑتی تھی کیونکہ ۱۹۹۴ کی پاور پالیسی کے تحت، جس ریٹ پر واپڈا مہنگے فرنس آئل سے بجلی بنانے والوں سے بجلی خریدتی تھی، انھی نرخوں پر کیپکو جو کہ سستی گیس سے بجلی بناتا تھا، اس سے بھی خریدی جاتی تھی۔ اس کے علاوہ ان اداروں میں انتظامی امور کم ایسے لوگوں کو منتقل کیئے گئے جن کے حصص اقلیت میں تھے۔ لہٰذا مفادات کا تضاد خوب پروان چڑھتا رہا۔

اس کے بعد نواز شریف کا دوسرا دورِ اقتدار آیا جس میں یو بی ایل اور الحبیب کریڈٹ اینڈ ایکسچینج ، جو کہ اب بینک الفلاح کے نام سے موجود ہے، کی نجکاری کی گئی۔ یو بی ایل میں ۲۱ ارب روپے لگا کر اسے پہلے ٹھیک کیا گیا اور بعد از اس کے اکیاون فیصد حصص ساڑھے بارہ ارب میں نیلام کردیئے گئے۔

پھر آتا ہے جنرل پرویز مشرف کا دورِ حکومت۔ گو کہ اس دورِ حکومت میں نجکاری سے بہت زیادہ نفع حاصل کیا گیا، لیکن اکثر جگہوں پر غیر منصفانہ جلد بازی بھی دکھائی گئی جس کی وجہ سے بہت سے مسائل نے جنم لیا۔ مثلاً پی ٹی سی ایل کے مالکانہ حقوق پوری رقم کی ادائیگی سے پہلے ہی منتقل کردیئے گئے۔ بعد از خریدار نے اپنی پیشکش واپس لے لی اور قریباً چودہ ارب روپے اس کام میں پھنس گئے۔ دیگر ازیں، پاکستان اسٹیل ملز کے معاملے میں بھی جلد بازی نمایاں طور پر سرِ فہرست رہی اور اس پر سپریم کورٹ نے اس معاملے کو غیر شفّاف قرار دیتے ہوئے رکوا دیا۔

اس کے بعد زرداری صاحب کا دورِ حکومت آتا ہے، جسمیں پہلے ہی قادرپور گیس فیلڈ کی نجکاری کا اعلان کردیا گیا۔ یہاں پھر سے اسٹریٹجک مقاصد کو پسِ پشت ڈال دیا گیا کیونکہ ایسے معدنیات کے ذخائر اسٹریٹجک اعتبار سے بہت اہم گردانے جاتے ہیں۔ لہٰذا اس عمل کو بھی ملازمین نے رکوا دیا۔ اس کے بعد زرداری دور میں مختلف قومی اداروں کے اقلیتی حصص وہاں کے ملازمین کو بیچے گئے اور قریباً ایک سو ارب روپے اکٹھے کیئے گئے۔ ان کے دورِ حکومت میں صرف ایک پلانٹ کی نجکاری عمل میں آئی جو کہ ہزارہ فاسفیٹ فرٹیلائزر کے نام سے جانا جاتا ہے۔ اسے ایک اعشاریہ تین ارب روپے میں فروخت کیا گیا۔

اس کے بعد نواز شریف اپنے تیسرے دورِ حکومت میں ایک ایسا نجکاری پروگرام لائے کہ جسے آئی ایم ایف نے بھی ماوریٰ حقیقت قرار دے دیا۔ اس کی نمایاں خصوصیت یہ تھی کہ پی آئی اے کے پچیس فیصد سے زیادہ حصص جولائی ۲۰۱۴ سے پہلے فروخت کرنے کی یقین دہانی کروائی گئی اور آئی ایم ایف سے قرضہ حاصل کیا گیا۔ بہرحال، آخر کار اس پانچ سالہ دورِ حکومت میں صرف پانچ جگہوں پر نجکاری کے عمل کو پایہ تکمیل تک پہنچایا جا سکا۔

یہاں تاریخ کے پہلو سے یہ بات بہت واضع طور پر سامنے آئی ہے کہ صرف قرضے کی خاطر یا خسارے کے خوف سے اداروں کی نجکاری بے سود ثابت ہوتی ہے۔ دیگر یہ صرف نجکاری تمام مسائل کا حل نہیں، بلکہ بعض اوقات مسائل کی جڑ کے طور پر بھی سامنے آتی ہے۔

اس سلسلے میں جاویداں سیمنٹ کا مژدہ قابلِ ذکر ہے۔ اس پلانٹ کو سنہ ۲۰۰۶ میں اس شرط پر فروخت کیا گیا تھا کہ یہاں ایک سو میگاواٹ کا پاور پلانٹ لگانے کی آفر دی گئی تھی۔ بعد از ایک صحافی نے پرائیوٹائزئشن کمیشن سے جب اس پراجیکٹ کے بارے میں استفسار کیا تو ان کے پاس اس پراجیکٹ کے بارے میں کوئی تازہ ترین معلومات نہیں تھیں۔ پھر معلوم کرنے پر انکشاف ہوا کہ جاویداں سیمنٹ کی جگہہ اب ایک ہاوٗسنگ سوسائٹی بن چکی ہے۔

بہرحال، ماضی کی غلطیوں سے سیکھنا ہی قومی ارتقا کا ضامن ہے۔ تاریخ کے ان صفحات سے حاصل اسباق کو مندرجہ ذیل نقطوں کی مدد سے سمجھا جا سکتا ہے۔

۔۔ کسی ادارے کی نجکاری سے پہلے اس سے حاصل شدہ مفادِ عامّہ کا جائزہ لگانا
۔۔ کسی ادارے کی نجکاری کرنے کے لیئے اس کی اسٹریٹجک ضرورت کا احاطہ کرنا
۔۔ پرائیوٹائزیشن کے عمل کو شفاف بنانا۔ ضروری نہیں کہ سب سے زیادہ پیسے دینے والا ہی بہتر امیدوار ہو۔ امیدوار کی دیگر قابلیت کا جائزہ بھی ضروری سمجھا جانا چاہیئے کہ کیا وہ واقعی ادارے کو اس کے اغراض و مقاصد کے اعتبار سے چلانے کا اہل بھی ہے یا صرف اپنا سرمایہ اور قوم کا وقت برباد کرنے آیا ہے؟
۔۔ نجکاری کے عمل میں کیئے گئے معاہدے میں یہ یقینی بنانا کہ کسی بھی مفاد عامّہ یا اسٹریٹجک پہلو پر سمجھوتہ نہیں کیا جارہا۔
۔۔ حکومت کا اپنا کنٹرول جو کہ مفاد عامّہ اور اسٹریٹجک مقاصد سے متعلق ہو، حکومت کی ہی تحویل میں رہنا چاہیئے۔
۔۔ نجی کمپنی یا امیدوار کے مفادات کا ادارے کی کارکردگی، اغراض و مقاصد سے اختلاف نہ ہو۔ اس بات کو یقینی بنانا ضروری ہے۔

آخر میں اس بات کا اعادہ کرنا ضروری ہے کہ کوئی بھی ادارہ پالیسی کی یکسانیت چاہتا ہے، تب ہی اچھے نتائج دے سکتا ہے۔ جمہوری نظام حکومت میں اس بات کو یقینی بنانا ناممکن ہے۔ جہاں اقتدار میں ایسے لوگ آتے ہوں جن کی اپنی ائیرلائن چلے، تو وہ بھلا کیسے کسی قومی ائیرلائن کو اپنے کاروبار کے آگے کھڑا ہونے دیں گے؟ اسی طرح جن کی اپنی لوہے کی بھٹیّ ہو، وہ کہاں اسٹیل ملز جیسے ادارے کو چلتا دیکھ کر اپنی دکان بند کروائیں گے؟ اور پھر جہاں اپنے ووٹروں کو مفت کی نوکریاں دلوائی جا سکتی ہوں جنکی تنخواہ بھی عوام کے پیسے سے دینی پڑے، کہاں ایسے وڈیرے ایسی سونے کی چڑیا کو ہاتھ سے جانے دیں گے؟ وگرنہ ان کے ووٹ کم ہوجائیں گے اور دوبارہ اقتدار میں آنے کے مواقع بھی مدھم ہوجائیں گے۔

لہٰذا اگر کوئی نجکاری کے خلاف ہے، اور مفاد عامہّ یا اسٹریٹجک رو سے ہے، تو وہ اس عمل کو بہتر بنانے میں معاونت کرے۔ صرف عوام کے پیسے پر غنڈے نہ پالے۔ پاکستان کی عوام پہلے ہی قرض کے بوجھ تلے دبی ہوئی ہے۔ ایسے اداروں کو جن پر اربوں روپے سلانہ لگا کر حکومت صرف چند لوگوں کی مفت کی تنخواہوں کے لیئے دوسری جانب عوام کو روٹی، دوا، تعلیم اور پینے کے صاف پانی سے محروم کرتی ہے، ایسے اداروں کو نجکاری کے ذریعے فعال بنایا جائے تا کہ نہ صرف ملک اور قوم کا خسارہ کم کیا جائے، بلکہ ساتھ ہی ان اداروں کو فعال بنا کر یہاں روزگار کے مواقع پیدا کیئے جائیں، جہاں تعلیم یافتہ اور ہنر مندوں کو جگہہ ملے اور لوگوں کا اعتبار محنت پر قائم رہے۔ نہیں تو دوسری طرف یہی پڑھے لکھے اور ہنر مند، ایسے ظلم کی پاداش میں نا امیدی میں دھکیلے جاتے ہیں اور پھر جرائم کی دنیا کو نئے مہرے مل جاتے ہیں۔
 
Featured Thumbs
data:image/jpeg;base64,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

khanbahadur

MPA (400+ posts)
تحریر قابل ستائش ہے کاش حکمران بھی ان پہلوؤں پر غور کر سکیں تو نقصانات سے بچاؤ ممکن ہے
 

Musafir99

Politcal Worker (100+ posts)
تحریر قابل ستائش ہے کاش حکمران بھی ان پہلوؤں پر غور کر سکیں تو نقصانات سے بچاؤ ممکن ہے
پذیرائی و دلجوئی کے لیئے مشکور و ممنون۔

ہمارا کام فقیرانہ صدا لگانا ہے۔ اب کسی کو سمجھ آئے تو ٹھیک۔ نہ آئے، تو ٹھاک۔
 

shaheenzafar

MPA (400+ posts)
پی ٹی سی ایل ایک منافع بخش ادارہ تھا جس کو شوکت عزیز نے عربیوں کو انتہائی کم ریٹ پر فروخت کیا ساتھ یوفون مفت دے دی ۔ پچھلے بارہ سال سے عربی پینشنرز کے پیسے کھائی بیٹھے ہیں مہنگائی کدھر کی کدھر نکل گئی پی ٹی سی ایل نے پینشنرز کا تیس ارب روپے سٹاک مارکیٹ میں ؒلگا کر ضائع کردیا۔ لیکن پینشنر کو کچھ نہین دیا ۔ لیکن اپنا سیٹ اپ بھی تبدیل نہین کیا۔ چالیس سال پرانے سیٹ پر انٹرنیٹ چلا رہے ہیں۔۔ اس وقت اگر سیٹ اپ کو اگنور کرکے صرف زمین کی مالیت کا اندازہ لگایا تو اسکی مالیت کھربوں روپے جو عربیوں کو مفت میں دی گئی نجکاری پاکستانیوں کے لیے فائدہ مند نہیں رہی
 

نادان

Prime Minister (20k+ posts)
تحریر قابل ستائش ہے کاش حکمران بھی ان پہلوؤں پر غور کر سکیں تو نقصانات سے بچاؤ ممکن ہے

جہاں تک میری معلومات ہیں ..اس معاملے میں عمران حکومت پر بھروسہ کیا جا سکتا ہے ..
 

نادان

Prime Minister (20k+ posts)
جی ہم عقل کے اندھے تو ہیں، لیکن دیدے ہمارے چھ بٹا چھ ہیں۔ آپ پہچان بتائیں

میں مخالفوں کے علاوہ ان کو بھی سنتی ہوں جو فیکٹ کے ساتھ غیر جانبدارانہ رپورٹنگ کرتے ہیں ..مین بکاؤ میڈیا آپ کو حکومت وقت کی کوئی اچھی خبر نہیں دی گا ..اچھی تو چھوڑیں ..مکمل جھوٹ پر مبنی خبریں دیگا .
اس کے علاوہ پاکستان میں رہنے والے خبریں لیتے ہیں ..کیا کریں پاکستان دل میں بستا ہے
 

Musafir99

Politcal Worker (100+ posts)
میں مخالفوں کے علاوہ ان کو بھی سنتی ہوں جو فیکٹ کے ساتھ غیر جانبدارانہ رپورٹنگ کرتے ہیں ..مین بکاؤ میڈیا آپ کو حکومت وقت کی کوئی اچھی خبر نہیں دی گا ..اچھی تو چھوڑیں ..مکمل جھوٹ پر مبنی خبریں دیگا .
اس کے علاوہ پاکستان میں رہنے والے خبریں لیتے ہیں ..کیا کریں پاکستان دل میں بستا ہے
اب دیکھنے سے سننے پر آگئیں ۔۔۔۔ لگتا ہے کچھ چھپا رہی ہیں
?️‍♂️
غیر جانبدارانہ رپورٹنگ اور حقائق پر مبنی خبریں۔۔۔۔ جنابِ عالی آپ کے ٹیلیوژن میں چاند کے اسٹیشن تو نہیں آتے؟
 

نادان

Prime Minister (20k+ posts)
اب دیکھنے سے سننے پر آگئیں ۔۔۔۔ لگتا ہے کچھ چھپا رہی ہیں
?️‍♂️
غیر جانبدارانہ رپورٹنگ اور حقائق پر مبنی خبریں۔۔۔۔ جنابِ عالی آپ کے ٹیلیوژن میں چاند کے اسٹیشن تو نہیں آتے؟

میں ٹی وی نہیں دیکھتی
?