پاکستان اور نیوزی لینڈ کے درمیان سیریز منسوخ ہونے پر وزیراطلاعات فوادچوہدری اور پی سی پی کا ردعمل سامنے آگیا۔۔
تفصیلات کے مطابق راولپنڈی سٹیڈیم میں ہونے والا ون ڈے میچ بھی ملتوی کر دیا گیا ، پی سی بی کی طرف سے باضابطہ طور پر ابھی تک میچ ملتوی ہونے کا اعلان کیا گیا ہے، کھلاڑیوں کو ابھی اپنے کمروں میں رہنے کی ہدایت کی گئی ۔
پاکستان کرکٹ بورڈ کی طرف سے جاری کردہ مختصر پریس ریلیز کے مطابق سکیورٹی خدشات کی وجہ سے پاکستان نیوز ی لینڈ کرکٹ سیریز کو منسوخ کر دیا گیا ہے۔
ذرائع کے مطابق نیوزی لینڈ کی کرکٹ ٹیم پاکستان کے ساتھ یہ سیریز نہیں کھیلنا چاہ رہی ہے ، پی سی بی نے کئی گھنٹوں تک نیوزی لینڈ کے کھلاڑیوں کو قائل کرنے کی کوشش کی ۔
ذرائع کے مطابق وزیر اعظم عمران خان کو اس حوالے سے دوشنبہ میں ایمرجنسی صورتحال کے بارے میں بتایا گیا، انہوں نے نیوزی لینڈ کی وزیر اعظم سے اس حوالے سے رابطہ کیا اور نیوزی لینڈ کی وزیراعظم کو بتایا گیا تھا کہ کیوی ٹیم کوئی سیکورٹی تھریٹ نہیں لیکن نیوزی لینڈ کی وزیراعظم قائل نہ ہوسکیں اور نیوزی لینڈ کے ساتھ یہ سیریز منسوخ کرنے کا اعلان ہی کرنا پڑا۔
پی سی بی کے مطابق نیوزی لینڈ ٹیم کے آفیشلز نے حکومت پاکستان کی سیکورٹی پر اطمینان کا اظہار کیا تھا لیکن نیوزی لینڈ کرکٹ بورڈ نے یکطرفہ طور پر سیریز ملتوی کرنے کا فیصلہ کیا۔
اس پر فوادچوہدری کا بھی ردعمل سامنے آگیا ہے۔ فوادچوہدری کے مطابق اب سے کچھ دیر قبل وزیر اعظم عمران خان نے نیوزی لینڈ کی وزیر اعظم سے رابطہ کیا اور یقین دلایا کہ پاکستان میں نیوزی لینڈ کی ٹیم کو فول پروف سیکیورٹی میسر ہے اور PCB کے مطابق خود نیوزی لینڈ کی سیکیورٹی نے پاکستان کے سیکیورٹی انتظامات پر اطمینان کا اظہار کیا ہے،
ہماری انٹیلی جنس ایجنسیز دنیا کے بہترین انٹیلی جنس سسٹمز میں شامل ہیں اور ان کی رائے میں نیوزی لینڈ کی ٹیم کو کسی قسم کے خطرہ نہیں ہے، تاہم نیوزی لینڈ کی وزیر اعظم نے ازحد احتیاط کی پالیسی کے پیش نظر دورہ ملتوی کرنے کی استدعا کی