انگلینڈ کرکٹ ٹیم کے سابق کپتان مائیکل وان نے پاک انگلینڈ ٹی ٹوئنٹی سیریز منسوخ نہ کرنے کی تجویز دی ہے۔
تفصیلات کے مطابق انگلش ٹیم کے سابق کپتان مائیکل وان نے پاک انگلینڈ ٹی ٹوئنٹی سیریز منسوخ نہ کرنے اپیل کرتے ہوئے میچ کو متحدہ عرب امارات (یو اے ای) منتقل کرنے کی تجویز دی ہے، مائیکل وان کا کہنا ہے کہ اگر سفر کرنا غیر محفوظ ہے تو انگلینڈ کے پاکستان میں میچ متحدہ عرب امارات (یو اے ای) منتقل کرنا سمجھدارانہ فیصلہ ہوگا۔
مائیکل وان نے کہا کہ پُرامید ہوں کہ مینز اور ویمنز ٹیموں کے میچز منسوخ کرنے کے بجائے کھیلے جاسکتے ہیں۔
اس سے قبل نیوزی لینڈ کے دورہ پاکستان منسوخ کرنے کے بعد نیوزی لینڈ کرکٹ بورڈ کی جانب سے اہم بیان سامنے آگیا
نیوزی لینڈ کرکٹ بورڈ کی جانب سے دورہ پاکستان منسوخ ہونے کے بعد انگلینڈ کرکٹ بورڈ نے بھی پاکستان کے دورے سے متعلق کہا کہ 24 سے 48 گھنٹے میں پاکستان کے دورے سے متعلق فیصلہ کریں گے۔
انگلینڈ کرکٹ بورڈ کے ترجمان نے کہا کہ ہمیں سیکیورٹی الرٹ کی وجہ سے نیوزی لینڈ کا دورہ پاکستان منسوخ کرنے کے فیصلے کا علم ہے، بورڈ سیکیورٹی ماہرین سے تفصیلی رپورٹ لینے کے بعد ایک سے دو دن میں پاکستان کے دورے سے متعلق کوئی فیصلہ کریں گے۔
واضح رہے کہ آئندہ ماہ انگلینڈ ٹیم کو 2 ٹی ٹوئنٹی میچز کھیلنے کے لیے پاکستان آنا ہے۔