نیوزی لینڈ کی انٹرنیشنل کرکٹ ٹیم اپنے دورہ پاکستان پر آئی تو انہوں نے یہاں8 روز تک اسلام آباد کے سرینا ہوٹل میں قیام کیا۔ ان کی سیکیورٹی پر مامور وفاقی پولیس کے اہلکار کتنے لاکھ کی بریانی کھا گئے جان کر آپ حیرت میں مبتلا ہو جائیں گے۔
میڈیا رپورٹس کے مطابق نیوزی لینڈ ٹیم سرینا ہوٹل میں آٹھ روز تک قیام پذیر رہی،کیویز ٹیم کی سکیورٹی کیلئے وفاقی پولیس کے 500 افسر و اہلکار تعینات کئے گئے، وفاقی پولیس کی طرف سے 5 ایس پی اور ایس ایس پی آپریشن سکیورٹی کی سربراہی کر رہے تھے۔
آٹھ روز کے دوران اسلام آباد پولیس نے 27 لاکھ کے چاول کھا لئے۔ خبر رساں ادارے کا دعویٰ ہے کہ سکیورٹی ڈیوٹی پر مامور افسروں اور اہلکاروں کو دو وقت کھانا فراہم کیا گیا۔
فنانس ڈویژن نے اسلام آباد پولیس کو تاحال کھانے کا بل ادا نہیں کیا، جب کہ کھانے کے اخراجات میں ایف سی اور رینجرز کا بل شامل نہیں۔
یاد رہے کہ نیوزی لینڈ کرکٹ ٹیم پاکستان کے دورے پر تھی جہاں ان کے درمیان متعدد میچز ک سیریز شیڈولڈ تھیں، تاہم کیوی ٹیم منیجمنٹ سیکیورٹی وجوہات کا بہانہ بنا کر بغیر کھیلے واپس چلی گئی۔ نیوزی لینڈ کے بعد انگلینڈ کی ٹیم نے بھی اپنا آئندہ ماہ میں شیڈولڈ دورہ منسوخ کر دیا ہے۔
