معروف مبلغ مولانا طارق جمیل نے 12 ربیع الاوّل کی مناسبت سے اپنا پیغام جاری کیا ہے۔
مولانا طارق جمیل نے اپنے ٹوئٹر اکاؤنٹ پر ایک پوسٹ شیئر کرتے ہوئے کہا کہ اللّٰہ تعالیٰ نے نبی کریم ﷺ کو رحمت بناکر بھیجا ہے۔
اللہ نے ہمیں آنکھ عطا فرمایا، کان عطا فرمایا، زبان دی، قوتِ گویائی بخشی، یہ تمام چیزیں اللہ عزوجل کی نعمت ہیں مگر کسی نعمت کو عطا فرمانے کے بعد اس نے انسانوں پر احسان نہیں جتلایا ہاں! ایک نعمت ایسی ہے کہ جب اس نے ہم کو عطا فرمایا تو ارشاد فرمایا ’’لَقَدْ مَنَّ اللّٰہُ عَلَی الْمُؤْمِنِیْنَ اِذْ بَعَثَ فِیْہِمْ رَسُوْلاً مِّنْ اَنْفُسِھِمْ یَتْلُوْا عَلَیْہِمْ اٰیٰتِہٖ وَ یُزَکِّیْہِمْ وَ یُعَلِّمُھُمُ الْکِتٰبَ وَ الْحِکْمَۃَ وَ اِنْ کَانُوْا مِنْ قَبْلُ لَفِیْ ضَلٰلٍ مُّبِیْنٍ‘‘اللہ کی عطا کردہ تمام نعمتوں میں سب سے عظیم نعمت سرکارِ دوعالم ا کی بعثتِ مبارکہ ہے کیوں کہ دیگر نعمتیں صرف دنیا کی حد تک محدود ہیں مگر سرکارِ دوعالم ا کی بعثت کے فوائد دنیا میں تو حاصل ہوتے ہی ہیں آخرت میں بھی اس کے ثمرات ظاہر ہوں گے۔ (سورۂ آل عمران: ۱۶۴)
جب یہ بات ثابت ہوگئی کہ رسول اللہ ﷺ کی تشریف آوری عظیم نعمت ہے تو دیکھیں کہ پروردگار نعمت کے چرچہ کا حکم دے رہاہے ،ارشاد باری تعالیٰ ہے ’’ وَاَمَّا بِنِعْمَۃِ رَبِّکَ فَحَدِّثْ‘‘ اور اپنے رب کی نعمتوں کا خوب خوب چرچا کرو ۔عید میلاد النبی دراصل تحدیث نعمت الٰہیہ ہے ۔
